नवीन लेखन...

सुंदर असे तो दिखावा (सुमंत उवाच – ११७)

सुंदर असे तो दिखावा
सुबक होई तो देखावा
रंग खरा का दाखवावा
मनुष्य म्हणतो!!

अर्थ

कालच्या वर्तमानपत्रात ” मुखवट्या पलीकडचे चेहरे ” असे शीर्षक असलेला लेख वाचला.

गाडीवरून येता जाता रस्त्यांवर लावलेल्या बॅनर्स वर दृष्टी पडते, त्यामुळे एक बॅनर वाचला, ” अमुक अमुक भाईंचा वाढ दिवसा निमित्त अमुक अमुक ग्रुप तर्फे अभिष्टचिंतन ” मग बॅनर मधे खाली आणि वर 2 उजळलेले चेहरे, त्यांच्या एकंदर दिसण्यावरून कुणी सज्जन व्यक्ती असावेत असा अंदाज. बॅनर वर शुद्ध मराठीत एक वाढ दिवसा बद्दलची चारोळी, अर्थात इंटरनेट वरून चोरलेली. पण प्रत्यक्षात ते शब्द वाचताना मात्र त्या उजळ चेहऱ्याच्या तोंडाची होणारी चाळण मात्र बघण्यात जास्त मजा येत असेल अगदी खात्री पूर्वक.

जे सुंदर असते त्याला दिखावा म्हणतात, जे सुबक असते त्याला देखावा म्हणतात पण जे कदाचित या दोन्ही पैकी काही नसू शकते जे पाहण्याची ताकद माणसांत आता कमी होत चालली आहे त्याला खरेपणा म्हणतात. पुढे पुढे करणारा खूप पुढे जातो कदाचित पण त्यासाठी त्याला दिखावा किती करावा लागतो याला मोजमाप नाही. बॅनर वर चेहरा अँप मधे गोरा करून लावू शकतो पण वृत्तीचं आणि विचारांचं काय?

सुबत्ता ही वस्तूंमुळे नाही तर मनाच्या मोठेपणा मुळे येत असते असे समर्थ म्हणतातच. जगताना दिखावा करावा की देखावा यापेक्षा खरेपणा दाखवावा म्हणजे बाकी कसली गरज पडणार नाही.

— सुमंत परचुरे.

सुमंत जयंत परचुरे.
About सुमंत जयंत परचुरे. 146 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..