नवीन लेखन...

वाळू हाती न राहती (सुमंत उवाच – ३)

वाळू हाती न राहती
न नशिबाच्या रेषा
मिळोनि सारे ओठी येते
वेडीवाकडी भाषा

देवगुणी येथे नाहीच कोणी
दानवांचाच पसारा
देवगुणी न देव राहिला
स्वतःलाच विचारा….

अर्थ:

वाळू हाती न राहती, न नशिबाच्या रेषा

(शाश्वत असं काहीच नाही. बदलत असतं सारं, मग एखादी गोष्ट जितकी आपण जास्त साठवून ठेवण्याचा प्रयत्न करतो तितकी ती आपल्याकडून जास्त निसटत जाते.)

मिळोनि सारे ओठी येते, वेडीवाकडी भाषा

(आपल्याला हवे ते मिळत नाही म्हटल्यावर मग तो पैसा असेल किंवा कोणतंही सुख माणूस संयम सोडुन वागतो आणि तिथेच त्याची खरी परीक्षा असते.)

देवगुणी येथे नाहीच कोणी, दानवांचाच पसारा

(कलियुगात निर्मळ मनाची व्यक्ती, सोज्वळ स्वभावाचं कोणी मिळणं फार कठीण, इथे मुखवटे लावून फिरणारे दानव जास्त.)

देवगुणी न देव राहिला,स्वतःलाच विचारा.

(देवही आता त्याने जन्माला घातलेल्या माणसाचा पाईक झालाय, त्यातलं देवत्व बाकी ठेवलंच नाहीये माणसाने. नदीला जेव्हा पूर येतो तेव्हा आजूबाजूचा माणूस आनंदित होत नाही तर त्या पाण्यापासून लांब जायचा प्रयत्न करतो.)

— सुमंत परचुरे.

सुमंत जयंत परचुरे.
About सुमंत जयंत परचुरे. 136 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..