नवीन लेखन...

धुंधुकारी नसती घरा (सुमंत उवाच – ३८)

धुंधुकारी नसती घरा
गोकर्णे जन्मा येति
मग कर्म बोलती जैसे
रूप तसे पलटती

छंद म्हणूनी कोणी
व्यसने झोडीत नाही
छंद छंदच म्हणूनी
जगणे घडून जाते

अर्थ

मूल जन्मतःच काही चुकीच्या वाटेवरचे नसते, त्याला मिळणारे संस्कार, शिकवण, घरातले वातावरण हे पूर्णतः तयार करते कोणत्या मार्गावर जायचं ते. मात्र धुंधुकारी च जन्माला येणार हे नियतीने ठरवले असेल तर मात्र तो कितीही चांगल्या घरात जन्मला तरी त्याची वाट ही नेहमी चुकीच्या दिशेनेच जाणार हे निश्चित. धुंधुकारी आणि गोकर्णाची गोष्ट भागवत ग्रंथात दिली आहे ती केवळ धुंधुली ने केलेली चूक दाखवण्या साठी नाही तर मूल जन्माला आल्यानंतर त्याला मिळणारी शिकवण आणि आई वडिलांची कार्यसिद्धता मुलांच्यात कशी उतरते याचे मोठे उदाहरण आहे.

मज आवडे ग्रंथपठण, पण सोमरस ग्रहण करितो
जिथे वाईट संगती, तेथे नियमित जातो

आजच्या काळात व्यसनं करणे म्हणजे एक प्रकारची फॅशन आहे. पुरुष असेल किंवा स्त्री तुम्ही कॉर्पोरेट मधे कामाला असाल आणि हातात बिडी नाही म्हणजे मुर्खलक्षण ठरते. ऑफिस च्या आऊटिंग ला गेल्यावर जर एका हातात ग्लास आणि दुसऱ्या हातात हुक्का नसेल तर तुमचे येणे काय कामाचे? हा प्रश्न तिथल्या बाकी लोकांच्या चेहऱ्यावर दिसतोच.
छंद म्हणून मी काव्य करतो, पण जर तो छंद मी सतत करीत राहिलो तर त्याचे व्यसन जडते आणि मग त्यातून येणारे शब्द, अर्थ, काव्यरूपी आयुष्याचे धडे हे जगाला सुखावत नाहीत तर डोक्याला ताप करून राहतात. व्यसन कोणालाही नसावं पण एखादा छंद सुद्धा इतका न करावा की त्याचं व्यसन आपल्याला लागेल.
आजकाल थोडी कधीतरी घेण्यात मजा आहे हे मानणारी पिढी उदयास आली आहे पण ती थोडीतरी चं प्रमाण किती अधिक आहे यावर सगळं अवलंबून आहे. अर्थात अभक्ष भक्षण, अपेय पान याला भागवतात व्यसनाधी क्रियाच म्हटलं गेलं आहे पण आता याला मानतो कोण? आता जगण्याचे निकषच जर या गोष्टींवर ठरत असतील तर गोकर्ण सारख्या निर्मळ व्यक्तीमत्वाला पडद्याआड जाण्यापासून कोणीच थांबवू शकत नाही.

छंद जोपासावेत पण त्यातून आपण व्यसनाकडे ओढले जाणार नाही ना याची काळजी घ्यायला हवी. आता छंदातून व्यसनाकडे ओढले जाणे कसे होते? ते उद्या पाहू.

— सुमंत परचुरे.

सुमंत जयंत परचुरे.
About सुमंत जयंत परचुरे. 100 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..