नवीन लेखन...

लपुनी कर्ण (सुमंत उवाच – २८)

लपुनी कर्ण ऐकुनी जातो
अर्धेच सत्य जाणुनी रहातो
शब्द केवळ पडती कानी
मनास कोण ओळखून घेतो

केवळ मला नाही काही
म्हणूनी समोरचा दुष्ट नाही
व्यथा वेगळीच त्याची काही
कसे जाणावे….

अर्थ

लपुनी कर्ण ऐकुनी जातो
अर्धेच सत्य जाणुनी रहातो
शब्द केवळ पडती कानी
मनास कोण ओळखून घेतो

(दुसऱ्याचे काहीतरी ऐकले आणि तिसऱ्यास सांगितले याने काय साध्य होते? केवळ गैरसमज. आपण ऐकीव गोष्टी सांगतो पण त्या खरंच तशाच आहेत का हे पडताळून पाहणे गरजेचे नाही? कोर्टाला सुद्धा पुरावे लागतात मग त्यासाठी पुरलेल्या अनेक गोष्टी, आठवणी बाहेर निघाल्या तरी काही फरक पडत नाही पण केवळ कानगोष्टी म्हणजे सत्य आणि तेच मानून जगणे याला शुद्ध मूर्खपणा म्हणतात. भावना कोण लक्षात घेतो, शब्द केवळ।ऐकले जातात पण त्यामागचं दुःख, सुखं, आनंद, राग याला काही अर्थ असतोच पण तोच नेमका डोळ्याआड केला जातो आणि मग सुरू होतात निरर्थक कानगोष्टी.)

केवळ मला नाही काही
म्हणूनी समोरचा दुष्ट नाही
व्यथा वेगळीच त्याची काही
कसे जाणावे….

(मला जे मिळायला हवं ते मिळत नाही ते दुसरा किंवा समोरची व्यक्ती देत नाही किंवा तसे घडत नाही म्हणचे तो चुकीचा असं समजून घेणं आणि तसाच मनात ग्रह करून त्याची लायकी काढणं चुकीचं आहे. मित्राचा फोन आला नाही बऱ्याच दिवसात, काम असलं की लगेच माझी आठवण येते वगैरे विचार मनात येतात आणि मग तिथे द्वेष निर्माण होतो पण आपण त्याला स्वतःहून पुसत नाही की काय झालं? बऱ्याच दिवसात काही संपर्क नाही, सगळं ठीक आहे ना? पण नाही तिथे रुजलेला मी पणा फणा काढून बाहेर येतो. थोडं एक पाउल आपणही पुढे टाकलं तर कदाचित दुराग्रह किंवा द्वेष निर्माण होणं टळू शकेल.)

— सुमंत परचुरे.

सुमंत जयंत परचुरे.
About सुमंत जयंत परचुरे. 146 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..