नवीन लेखन...

भक्ती करावी अंतरंगी (सुमंत उवाच – ६६)

भक्ती करावी अंतरंगी
मांडूनी डाव लुटू नये
कर जोडूनी कर चुकवी
शब्दांत भक्ती मांडू नये!!

अर्थ

मी किती देवाचं करतो, मला किती माहित्ये, मी केवढे श्लोक पाठ केले, माझं ज्ञान किती अगाध आहे हे दाखवण्या पेक्षा ते जर आचरणी आणले तर? चमत्कारच होईल.

मी इतकं करतो देवाचं, अगदी तासन तास माझे देवाच्या पुढे भक्ती करण्यात जातात, श्रावणात मी अमुक पूजा घातली, गणपतीत मी इतकं केलं, लक्ष्मी पूजनाचा मी मुहूर्त एक सेकंद सुद्धा टाळत नाही. पण या सगळ्यातून मिळाले काय? सामाजिक प्रतिष्ठा, प्रचंड likes, देवांच्या आरतीच्या चित्रफितीला काही लाख views बास आपली मान ताठ. पण अमुक मंत्र म्हणताना मला ह्याच्या कडून इतके पैसे येणं आहे. ह्याने माझं काम अडकवून ठेवले आहे त्याला बघतोच आता. ही व्यक्ती जरा जास्तच करत्ये त्याला आता ऐकवतोच हे असे विचार येत असतील तर म्हटल्या गेलेल्या श्लोकाला शाब्दिक अर्थ तर सोडाच पण भावनिक अर्थही प्राप्त होणार नाही. मग कसली भक्ती तुमची?

अमुक ना. मा. साहेबांच्या निधीतून नवचंडी यज्ञ, महासत्यनारायण, नागरिकांच्या भल्यासाठी नगरसेवका तर्फे देवीचा पाठ वगैरे वगैरे. पण हे सगळं करण्यासाठी आलेला पैसा हा येतो कुठून? मांडवली, खंडणी, लोकांचाच पैसा, आलेला निधी कामा साठी न वापरता आपल्याच संस्थेला देणगी म्हणून वापरायचा आणि त्यातूनच हे सामाजिक प्रतिष्ठा मिळवण्यासाठी यज्ञाचे घाट घालायचे. काय उपयोग त्याचा.

कुठल्याही देवा समोर कर जोडताना जर मन दुसरीकडे धावत असेल तर त्याला स्वतः देवही काही करू शकत नाही.

— सुमंत परचुरे.

सुमंत जयंत परचुरे.
About सुमंत जयंत परचुरे. 136 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..