नवीन लेखन...

धारधार तरी उगाच चालुनी जाते (सुमंत उवाच – ५५)

धारधार तरी उगाच चालुनी जाते
बाण ही बोथट होती नतमस्तकी
मुठीत येणे दुर्लभ तरी करे प्रयत्ने
जिव्हा कोणाच्या काबूत येते?

अर्थ

पूर्वीच्या काळी रणांगणावर आपले कर्तृत्व दाखवायला अनेक प्रकारची शस्त्रे असायची. तलवार, भाला, धनुष्यबाण इत्यादी पण जसा काळ बदलत गेला तशी शस्त्रे सुद्धा अपग्रेड होत गेली. म्हणजे तलवार, भाले जाऊन बंदुका आल्या. मग काळ बदलला आणि हीच शस्त्रे अजून जास्त चांगल्या स्वरूपात येऊ लागली. पण या सगळ्यात एक शस्त्र मात्र पूर्वापार चालत आलेले आहे. त्यात काळानुरूप बदल नाही की काही नाही पण त्याची धार अजूनही तशीच सर्वात जास्त आहे. बाकी शस्त्रे कधी उगाच चालवत नाहीत पण हे शस्त्र मात्र कधी कधी कारण नसतानाही चालवले जाते. अगदी तीक्ष्ण बाणांच्या टोकापेक्षाही याचे टोक हे जास्त भयंकर असते तसेच या शस्त्र ला तलवार, दांडपट्टा, भाला, धनुष्यबाण, बंदूक यांसारखे मुठीत पकडणे हे दुरापास्त आहे. कारण इतर शस्त्रे मुठीत धरूनच चालवावी लागतात पण हे शस्त्र चालवायला मूठ नाही तर मन घट्ट असावं लागतं. या शस्त्राचे नाव म्हणजे ‘ जीभ’ होय. भलेभले या शस्त्रावर नियंत्रण मिळवण्यात अपयशी ठरले आणि त्यांच्या जीवनाची माती झाली.

गोंदवलेकर महाराज म्हणतात की ज्याने जिभेवर नियंत्रण मिळवले त्याने परमार्थाची अर्धी लढाई जिंकली असं समजायचं. तर अशा ह्या धारदार टोकेरी शस्त्रावर नियंत्रण मिळवणे गरजेचे आहे आणि त्यासाठी समर्थांच्या मनाच्या श्लोकांना आत्मसात करणे फार गरजेचे.

— सुमंत परचुरे.

सुमंत जयंत परचुरे.
About सुमंत जयंत परचुरे. 94 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..