नवीन लेखन...

जे घडते ते मान्य ईश्वरा (सुमंत उवाच – ६८)

जे घडते ते मान्य ईश्वरा
वेळ अशी का सांगून येई
लोभ कदापी सुखें न देई
ईश्वरास त्या दोष येई!!

सुख गिळूनी टाकतो प्राणी
दुःखे रवंथ होती
ईश्वरास त्या बकोटे धरुनी
खावी लागे माती

अर्थ

‘वैतागलोय, खरंच मला पळून जावसं वाटतंय. असं वाटतंय ना की निघून जावं. हे माझ्याच नशिबी का? मी वैरी आहे का देवाचा? काय घडतंय हे माझ्याच आयुष्यात?’- हे असे शब्द, ही अशी वाक्य आपल्या आजूबाजूला काही ना काही कारणाने कोणी ना कोणी म्हणत असतोच.

कोणाला जॉब नाही म्हणून, कोणी परीक्षेत पास झाला नाही की, कोणाला व्यवसात जमत नाही म्हणून तर कोणी 2 लाख पगार असूनही एवढाच का? म्हणून.

जीव जन्माला आला की त्याला लोभ, हव्यास, ईर्षा, क्रोध, द्वेष या पाच जणांनी घेरलंच म्हणून समजा, पण जर तेथे प्रेम, आपुलकी, आदर, समाधान, माणुसकी या पाच पडद्यांचा वावर असला की दूषित हवा या मानवी घराच्या आतल्या म्हणजेच मनाच्या गाभाऱ्यात येत नाही आणि तेथेच माणूस कमी पडतो.

मला एखादी गोष्ट मिळाली नाही, किंवा एवढीच मिळाली, किंवा मला नाही मिळाली पण त्याला मिळाली, अथवा मला मिळाली पण त्याला का मिळाली? या असमाधानी विचारांनी घेरला जाऊन त्याचा संपूर्ण दोष हा देवावर टाकला जातो. आणि ती प्रक्रिया पुढचे कित्येक महिने सुरु राहते. पण जर एखादी चांगली गोष्ट घडली तर मात्र आपण अतिशय चांगल्या मनाने त्याच देवासमोर केवळ 5 सेकंद हात जोडून उभे राहतो आणि नंतर ती गोष्ट विसरून जातो.

—  सुमंत परचुरे.

सुमंत जयंत परचुरे.
About सुमंत जयंत परचुरे. 146 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..