नवीन लेखन...

निरंजन – भाग ३२ – महागौरी

नवरात्रीमधल्या अष्टमीच्या दिवशी माता महागौरीचे पूजन केले जाते.

नवरात्रीमध्ये अष्टमी हा दिवस मातेची आराधना आणि होम-हवन यासाठी महत्त्वपूर्ण समजला जातो. या दिवसाला दुर्गाष्टमी असे देखील म्हणतात.

दुर्गामातेचा आठवा अवतार महागौरी मातेचा आहे. माता सतीने जेव्हा पर्वत कन्या पार्वती म्हणून राजा हिमालयाकडे जन्म घेतला, तेव्हा या जन्मी माता पार्वतीने अगदी लहानपणापासून महादेवाचे ध्यानपूजन केले. पुढे काही कालांतराने महादेवांना आपल्या जीवनामध्ये पतीस्वरुपात प्राप्त करण्यासाठी मातेने अतिशय अघोरी ध्यानधारणा धरली होती. हे ध्यान करत असताना अनेक नैसर्गिक आपत्तींना मातेला सहन करावे लागले. ऊन, पाऊस, वारा या सर्व ऋतूंचा लेप मातेच्या कायेने धरला होता. पण मातेने आपले ध्यान सुरूच ठेवले होते. त्यांच्या या अघोरी ध्यानावर महादेवांनी प्रसन्न होऊन मातेची प्रार्थना स्वीकारली. पूर्वजन्मामध्ये आपली अर्धांगिनी असलेल्या देवी सती यांना या जन्मात महादेव पार्वती म्हणुन स्वीकारतात. गंगेच्या पवित्र जलाने ते मातेची काया स्वच्छ करतात. त्यावेळी मातेची काया ही अतिशय तेजस्वी आणि कांतिमय होते. या गौरवर्णामुळे मातेचे शरीर अधिकाधिक सुंदर होते. तेव्हा त्यांच्या गौरस्वरूपावर प्रसन्न होऊन महादेव देवींना महागौरी असे म्हणतात.

— स्वाती पवार 

Avatar
About स्वाती पवार 56 Articles
मी स्वाती... स्वतःला आनंद मिळतो म्हणुन लिहिणारी....... माझे "निरंजन" या लेखसंग्रहातुन दैनंदिन जीवनातल्या वेगवेगळ्या विषयांवर लेखन... या लेखनामधील निवडक लेखरचना या "|| ॐश्री ||" या ध्यानकेंद्रातील व्याख्यानमालेमधल्या आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..