नवीन लेखन...

खिद्रापूर !

खिद्रापूर – सांगलीपासून सुमारे ५१ किमी अंतरावर, नृसिंहवाडीपासून जवळ !

फार पूर्वी गेलो होतो पण आताची नजर जरा वेगळी होती. राष्ट्रीय वारसा, पण बऱ्यापैकी दुर्लक्षित ! पर्यटकांचा राबता मर्यादीत. नाही म्हणायला नोव्हेंबर -डिसेंबरमध्ये न्यूझीलंड /ऑस्ट्रेलिया वगैरे देशांतून असंख्य पर्यटक येतात, सगळ्या हेमाडपंथी कलाकुसरीचं कौतुक करतात, इतिहासांच्या पानांतून डोकावतात, पण पिकते तेथे —- अशी गत ! कोठलाही बोर्ड नाही, गाईड नाही (सुरुवातीला एक स्थानिक माणूस काही पोपटपंची करत होता पण त्याच्यात फारसा दम नव्हता), ऊजेड नाही, पिण्याचे पाणी किंवा इतर मूलभूत सुविधा नाहीत. शंकरबाप्पाच्या पिंडीजवळ एक स्त्री बसली होती . तिला विचारले तर उत्तर आलं – ‘ मीही येथे पाहुणी आहे.”

घरातील जर्जर वृद्धाकडे जसे लक्ष (?) दिले जाते तितपत ! एक पुस्तिका मात्र दाराजवळ विकायला होती. ” तुम्ही विकत घ्या आणि माहिती मिळवा.”
इतकं पराकोटीचं दुर्लक्ष्य कां ?

इतक्यात माझ्या भ्रमणध्वनीवर (मोबाईल हो) एक लघुसंदेश (SMS हो )आला – (माझा एक “सखाराम गटणे “मित्र आहे ,त्याच्या “शुद्ध “भूमिकेतील हे वाक्य)

” आयडिया कर्नाटका वेलकम्स यू !”

क्षणार्धात उलगडा झाला – महाराष्ट्र शासन इकडे कां लक्ष देत नाही याचा ! राष्ट्रीय स्मारक असलं म्हणून काय झालं, त्याचं जतन करण्याची जबाबदारी शेजारच्या राज्याची आहे. असो.

“कर्नाटकातील (?)” हे शिल्पस्वप्न बघायलाच हवं ! आम्हीं निघताना एक हौशी वाटाडया आला होता- माहिती दयायला ! म्हणून काही उलगडे पदरात पडले, अन्यथा गाभाऱ्यातील शिवाप्रमाणे हा परिसरही मूग गिळून बसला आहे.

— डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..