कविता-गझल-चारोळी-वात्रटिका

ग्राहकाला शिलाईचे कपडे देताना टेलर वारंवार हेच करीत असतो कुठे टाका, कुठे बटण तो शिवतच राहतो, परीक्षक हातातील उत्तरपत्रिका हिसकावून घेई पर्यंत काही खरे,कुठे चुकीचे काही न काही तरी परीक्षार्थी लिहीतच राहतो, शेवटचा श्वास आहे तोपर्यंत चूक-अचूक निशाणा तो सैनिक साधित शेवट पर्यंत लढत राहतो, कोणीही शस्त्र खाली खाली ठेवत नाही कोणीही आशा सोडीत नाही अंतिम […]

प्रेम हे करत नसतात , ते होत असते प्रेम हे मागत नसतात, ते मिळत असते प्रेम हे दिसत नसते, ते जाणून घ्यावे लागते प्रेम हे बंधन नसते, ते मुक्त करते प्रेम परिसासारखे असते जे लोखंडाचे सोने करते प्रेम अमृतासारखे असते जे मेलेल्याला जिवंत करते प्रेम हे तिचे किंवा त्याचे नसते, ते दोघांचे असते — विवेक विजय […]

हा चंद्रमा शारदीय पौर्णिमेचा शीतल चंदेरी प्रीतचांदण्यांचा साक्ष कोजागरती कोजागरती स्वर्गीयस्पर्श अश्विनी पौर्णिमेचा ।।१।। गवाक्षातूनी खुणावतो चंद्रमा मनआभाळी चांदणे नक्षत्रांचे धुंद बेधुंद, दरवळते रातराणी प्रीतगंधाळ तो अवीट सुगंधाचा ।।२।। तनमनी रमती गतस्मृतींचे रावे निरवतेत अबोली रात्र धुंदवेडी बरसते, शुभ्र चंदेरी कोजागिरी जागर! पुनरुपी प्रीतभावनांचा ।।३।। दुग्धपान!अमृती मनोमिलनाचे सौख्यानंदी पुण्यपावन सोहळा ज्येष्ठत्वाचे हृद्य स्मरण संस्कारी आदर्श हाच […]

पुण्यामधलंच स्थळ हवं । मुंबईला सेकंड ऑप्शन । लिकर पी कर विकएन्ड । लाईफसाठी हीच कॅप्शन ।। शनवारवाडा , वैशाली हे । आऊटडेटेड झाले पॉईंट्स । गोल ऍचिव्ह करण्यासाठी । शोधते मी नव्या हाईट्स ।। मल्टिप्लेक्स , मॉल मध्ये । टाईमपास भारी होतो । सिंहगड पर्वतीवर । आता कोण जातो येतो ? फेबु ट्विटर मेसेंजरवर । […]

उतरते ऊन पुन्हा परसातल्या दारातुनी उजळले दीप पुन्हा शिशिराच्या सांजेतुनी हवेहवेसे होते कधी समुद्रवाऱ्याचे शहारे मागून का मिळते कधी पहाटेचे स्वप्न गहिरे? शोधताना चांदणे वेचले उन्हाचे कवडसे राहिले मग दूर मागे दिव्यांचे बिलोरी आरसे… —आनंद

मित्र’ मात्र ध्वनि नाही, मात्र शब्द नाही तो एक अर्थ आहे, आणि अर्थच नाही तर एक भावार्थ आहे, जो वाचला जाऊ शकत नाही जो ऐकला जाऊ शकत नाही जो केवळ समजला जाऊ शकतो, काय ती पूजेतील फक्त एक घंटी आहे? का तो फक्त अंगाऱ्याचा एक रंग आहे? नाही तो अनेक तुकड्यात विभागून सुद्धा एकसंध आहे, जे […]

आता जगणे अंगवळणी पडले जगी मी डोळे झाकुनी चालतो टाळुनीयाच वेडीवाकडी वळणे सन्मार्गावरी, सावरूनी चालतो शब्दाशब्दांचे अर्थ सहज जाणतो जर दिला शब्द कुणा तो पाळतो ऋतुऋतूंचा, जरी असे बेभरोसा कालचक्र भाळीचे, निमूट झेलतो जरी उध्वस्त स्वप्ने सारी अंतरीची गुच्छ आशांचे मी हळुवार गुंफीतो हृदयांतरी सुगंधाच्याच अत्तरकुपी माझ्याच भावगीतातुनी मी हुंगतो लोचनी सांजळलेली तिन्हीसांजा त्या सोज्वळ निरांजनी […]

बेधुंद दरवळता गं गंधबकुळी अजूनी होतो सारा भास तुझा मनहृदयी अलवार बिलगणारा अविस्मरणीय, तो स्पर्श तुझा किती? काय? कसे स्मरावे धागे आठवांचे किती उसवावे मर्मबंधीच साऱ्या रेशीमगाठी उलगडता, सहजी भास तुझा भावगंधले ते स्पर्श मयूरपीसी अव्यक्त! सारे झरते शब्दांतूनी उमलताच लाघवी प्रितकळ्या लोचनी घट्टमिठीचा भास तुझा ब्राह्ममुहूर्तीची ही मधुरम स्वप्ने गोकुळी राधामीरा कृष्णसखा मंतरलेल्या साऱ्या कातरवेळी […]

जगी काय मिळविले काय हरविले अंती एकच प्रश्न अनुत्तरीत असतो हव्यासापोटी किती, काय हरविले सत्यभास हा जीवा अविरत छळतो सारीपाट ! उलगडता जन्मभराचा अंती सारा सत्याचा हिशोब स्मरतो झाले गेले, सारे जरी विसरुनी जावे तरी गतकाळ नित्य आठवीत असतो अंती पश्चातापाचे दग्ध दुःख अंतरी जीव ! क्षणक्षण निश:ब्दीच जगतो जगण्याविना, न दूजा मार्गच कुठला प्रारब्धभोग जन्मभरी […]

ज्येष्ठत्वे आता फक्त तडजोड करावी आपुल्याच मनाची समजूत घालावी चूक की बरोबर, व्यर्थची वादविवाद अंतरी संघर्षाविना मन:शांती लाभावी आता जगती जन्मताच सारेच सर्वज्ञ इथे कलियुगाचे निर्बंधी दृष्टांत वाजवी भौतिक सुखाचा सभोवार मुक्त संचार आपण स्वतःलाच अंती मुरड घालावी या युगी संस्कारांची, नित्य पायमल्ली हीच जीवनाचीच, जगरहाटी वास्तवी उमजुनी सारे,जगाशी तडजोड करावी सोडुनीया हटवादा, मन:शांती भोगावी या […]