कविता-गझल-चारोळी-वात्रटिका

सख्या, तुझ्या आठवात मी, चालते संथ पाऊली सांजवर्खी या सांजवेळी ओघळले, काजळ गाली सोबती तीच वाट निरंतर तुझ्याच स्पर्शात नाहलेली पापण्यातील अस्तिव तुझे खुलवीते या गालीची खळी ही नित्याची साक्ष अंतरी उमलते पाकळी पाकळी अनवट मोहक वाटेवरचा तूच नटखट माझ्या भाळी तुज मी स्मरता वेळोवेळी लोचनी प्रीत गहिवरलेली तुझा असा असह्य दुरावा सर्वत्र तुझी स्मृती रंगलेली […]

मज अजुन नाही कळले मी तुझ्यात कसा गुंतलो ज्या क्षणी तुज पाहिले मी तुझ्यात हरवुन गेलो न कधीच व्यक्त जाहलो तुजला निरखित राहिलो तुही मनीचे जाणले होते मी मनांत समजूनी गेलो घायाळ, होताच कटाक्षी तव काळजात विरघळलो जे घडले ते ते घडूनी गेले स्मृतींना उलगडित राहिलो रुतला अंतरी तव अबोला मी मना समजवित राहिलो — वि.ग.सातपुते […]

वाहतो पवन बेभान धुंदला उधळीत गंध शब्दभावनांचे गडगडता अंबरी कृष्णमेघनां प्रीतगान, मृदगंघले वसुंधरेचे ओढ अधीर, अवीट मधुरम संथ झुळझुळणे ते निर्झराचे मन ओले, ओले चिंब चिंबले साक्षात्कार प्रसन्न वर्षाऋतुचे स्वर, पावरीचे श्रावण श्रावण सप्तरंगलेले, इंद्रधनु अंतरीचे हे स्वानंदाचे सात्विक सोहळे संगीत जणु, कृतार्थ जीवनाचे — वि.ग.सातपुते (भावकवी) 9766544908 रचना क्र. २२६ ५/९/२०२२

मी अलवार कवटाळीतो अंतरीच्या गतआठवांना हॄदयस्थ, ते ध्यास भास स्मृतींनाच, उलगडताना…. भावस्पर्ष ! मृदुल कृपाळू जगविती माझ्या स्पंदनांना अबोल ओंजळ भावनांची मी, रिती कुठे करू कळेना…. दिव्यत्व,भक्तीभावप्रीतीचे वेदनांची, क्षालनी सांत्वना ओघळ लोचनी जाणिवांचे स्मृतींचा, गंधाळ हुंगतांना…. माथी आभाळ सावळबाधी सांजवेळी हुरहुर पाऊलांना ओढ, हरिपावरीच्या सुरांची मी नित्य आळवितो दयाघना…. — वि.ग.सातपुते (भावकवी) 9766544908 रचना क्र. २३२ […]

तुझे नित्य येणे जाणे हळूच वळूनी पाहणे नाही कधी विसरलो तुझे ते लाघवी लाजणे आठव ते सारे सुखद निःशब्दी, प्रीतचांदणे तुझे कटाक्ष सांत्वनी निर्मली तुझे गंधाळणे निष्पाप त्या जाणिवा मनास भुलवुनी जाणे तूंच हसरी कमलिका सालस ते तुझे वागणे अजूनही मी स्मरतो रुप तुझे गोजीरवाणे तू स्मरणगंधी सुगंधा तुझे उमलुनी बहरणे — वि.ग.सातपुते (भावकवी) 9766544908 रचना […]

निर्मोही गुंतावे स्वांत सुखाया लाभते मन:शांती अंतरा सुखाया…. सुखदुःख क्षणाचे संवेदनांची छाया हाच जन्म मानवी जगुनीया जगवाया…. खेळ सारे भावनांचे भावशब्दात गुंफाया जपावित मनेमने अंतरंगा जाणुनिया….. सावरीत जीवाजीवा सुखवावी मन:काया अशाश्वती स्पंदनांची सारी मृगजळी माया…. सत्य एक अनामिक त्याची कृपाळू छाया नित्य त्याला भजावे तोच येतो सावराया…. — वि.ग.सातपुते (भावकवी) 9766544908 रचना क्र.२२३ २/९/२०२२

खेळ त्याचेच सारे तो कुंभार आगळा घडवितो, तोडितो सर्वा लावीतो लळा तो जीवाचा आत्मा श्वासास जगविणारा ब्रह्मांडी त्याची सत्ता तोच एक तारणारा जगणे केवळ भोगणे प्रारब्धा मिठित घ्यावे जन्ममरण प्रवास एक चालता त्याला स्मरावे पुनरपी जननं, मरणं निर्णायक तोची ईश्वर उगाच, कशाला चिंता जगती सारे आहे नश्वर — वि.ग.सातपुते (भावकवी) 9766544908 रचना क्र.२२४ ३/९/२०२२

दिलास जन्म मानवी देवा! काय याचू मी कृपाळू, तूची दाता तुलाच काय मागू मी…।। दिलेस, तू सारे काही तृप्त, तृप्त कृतार्थ मी सर्वार्थी तुझ्यात रमता सांगनां काय मागू मी…।। अनंता! तूच कृपाळू तव छायेत नित्य मी नांदतोस मनहृदयी देवा! काय मागू मी…।। तव अदृश्य परिस्पर्शी सुखावतो अंर्तआत्मा अमृतयोग अमरत्वाचा चिरंजीव हा जीवात्मा..।। – वि.ग.सातपुते. (भावकवी) 9766544908 […]