मतांची पोतडी सत्तेची गोधडी : अर्जन्सी

( जुन्या काळीं, अर्जन्सी दर्शविण्यासाठी असें लिहीत –

‘जेवत असलात तर हात धुवायला इकडेच या’.

त्या आधारानें,  हें काव्य, जरासें खट्याळ ).

 

तुम्ही

तातडीनें इकडे या,

अर्जंट या.

 

जेवत असलात तर

हात धुवायच्या आधी

इकडे या.

अन् मत द्या.

पाणी पीत असलात तर

फुलपात्रं खाली ठेवण्यांआधी

इकडे या.

अन् मत द्या.

आंघोळ करत असलात तर

कपडे बदलण्यांपूर्वी,

ओल्या कपड्यांनीच

इकडे या.

अन् मत द्या.

पण दुसरा ‘अर्जंट कॉल’

आला असला,

आणि तुम्ही

टॉयलेटमध्ये असलात तर,

तर घाई करूं नका,

तुमचा वेळ घ्या,

तिकडेच हात धुवा,

नंतर या.

मात्र, या.

अन् मत द्या.

(आणि तेंही आम्हालाच).       १

 

कारण,

तुमच्या भेटी घेऊन,

अन् तुम्हाला ‘भेटी’ देऊन

आम्ही इनव्हेस्ट केलेलं आहे,

त्याचं ‘रिटर्न’

नको कां आम्हाला मिळायला ?        २

 

आमचा कँडिडेट

निवडणुकीतून ‘रिटर्न’ होऊन

घरीं बसायला नको ;

तर, तो

MLA म्हणून

विधानसभेत

‘रिटर्न’ व्हायला हवा.        ३

 

म्हणून,

जेवत असलात तर

हात धुवायच्या आधी

इकडे या.

अन्, टॉयलेटमध्ये असलात तर

दमानं या,

हात धुवून या.

पण या जरूर.           ४

 

हात धुवा किंवा धुवूं नका,

पण धुतल्या तांदळासारखं वर्तन ठेवा,

या, आम्हांलाच मत द्या,

आणि आम्हांलाच जिंकवा.         ५

 

– – सुभाष स. नाईक

 

 

 

 



सुभाष नाईक
About सुभाष नाईक 245 Articles
४४ वर्षांहून अधिक अनुभव असलेले सीनियर-कॉर्पोरेट-मॅनेजर (आतां रिटायर्ड). गेली बरीच वर्षें हिंदी/हिंदुस्थानी, मराठी व इंग्रजी या भाषांमध्ये गद्य-पद्य लिखाण करत आहेत. त्यांची ९ पुस्तकें प्रसिद्ध झाली आहेत. पैकी ६ ‘पर्यावरण व प्रदूषण’ या विषयावरील इंग्रजी न हिंदी कवितांची पुस्तकें आहेत. दोन पुस्तकें , ‘रामरक्षा’ व ‘गणपति-अथर्वशीर्ष’ या संस्कृत स्तोत्रांची मराठी पद्यभाषांतरें आहेत. अन्य एक पुस्तक ‘मृत्यू आणि गत-सुहृद ’ हा विषयाशी संल्लग्न बहुभाषिक काव्याचें आहे. गदिमा यांच्या ‘गीत रामायणा’चें हिंदीत भाषांतर. बच्चन यांच्या ‘मधुशालचें मराठीत भाषांतर केलेलें आहे व तें नियतकालिकात सीरियलाइझ झालेलं आहे. टीव्ही वर एका हिंदी सिट-कॉम चें स्क्रिप्ट व अन्य एका हिंदी सीरियलमधील गीतें व काव्य लिहिलेलें आहे. कत्थक च्या एका कार्यक्रमासाठी निवेदनाचें हिंदी स्किप्ट लिहिलें आहे. अनेक मराठी व हिंदी पब्लिकेशब्समध्ये गद्य-पद्य लेखन प्रसिद्ध झालें आहे, जसें की, महाराष्ट्र टाइम्स, लोकसत्ता, सत्यकथा, स्वराज्य, केसरी, नवल, धर्मभास्कर, धर्मयुग, धर्मभास्कर, साहित्य अकादेमी चें हिंदी जर्नल ‘समकालीन भारतीत साहित्य’ , मराठी अकादेमी बडोदा चॅप्टर चें मराठी जर्नल ‘संवाद’, तसेंच प्रोफेशनल सोसायटीचें इंग्रजी जर्नल यांत लेखन प्रसिद्ध झालेलें आहे.मराठी , हिंदी व इंग्लिश वेबसाईटस् वर नियमित गद्य-पद्य लेखन. कांहीं ई-बुक सुद्धा प्रसिद्ध.
Contact: Website

महासिटीज…..ओळख महाराष्ट्राची

पुणे जिल्ह्यातील रोहीडा किल्ला

शिवकालात रोहीडय़ाचा किल्ला दुय्यम होता. तसेच इतिहासमधेही फारशी मोठी घटना ...

नागपूर जवळचा रामटेक किल्ला

नागपूरजवळच्या रामटेक गावामध्ये रामटेकचा गिरीदुर्ग उभा ठाकलेला असला तरी या ...

पद्‌मालय गणेश मंदिर, एरंडोल, जि. जळगांव

हे मंदिर जळगाव जिल्ह्यातील एरंडोल येथे आहे. भारतातील प्रमुख गणेश ...

सिंधूदुर्गाच्या संरंक्षणासाठी बांधलेला किल्ले पद्मगड

सिंधुदुर्गाचे महत्त्वाचे भौगोलिक स्थान ओळखून शिवरायांनी याच्या संरक्षणासाठी मालवणच्या सागरतीरावर ...

Loading…