नवीन लेखन...

कृतज्ञता

अगणित आकाशगंगा तुझ्या.
त्या सगळ्याला व्यापून उरलेलं,
तुझं अस्तित्व, मला परीपूर्ण करणारं …..

तुझ्या असंख्य सौरमालेतल्या,
एका छोटूश्या ग्रहावर मी.
तरी माझी दखलं घेणं तुझं.
कृतज्ञ करतोस मला..

दाखवतोस तुझं असणं मला नेहमीच.
ही अथांग निळाई, खेचुन काढते माझ्यातलं काहीतरी…
गुंतुन जातं भान, निळाईच्या नवलात…..
असशील का तु या निळाईत!! की त्याच्याही पार विहरणारा
की माझ्यात स्थिरावणारा….

शोधत रहाते नजर, आरपार निळाईच्या ….
तूही बघतच असशील ना,
तिथून माझ्याकडे
क्षणभर चमकुन जा ना….
तुला शोधताना ……
डोळे भरुन येतात, पण मन कसं भरत नाही …

तुझ्या महाप्रचंड उर्जेचा, एक अंश ओततोस माझ्यात.
आणि धावत यावं वाटत मग तुझ्याकडे.

फोलपणा उमजतो इथला.
फक्त तुझं असणं अनुभवायच असतं

गुढ संहितेचा अर्थ उकलायचा असतो.

ओतप्रोत भरलेला तु सर्वत्र..
फक्त एका हाकेची अपेक्षा तुला,
की ती देखिल नसतेच …..

— स्मिता मिलिंद  

Avatar
About `आम्ही साहित्यिक' फेसबुक ग्रुपमधून 228 Articles
आम्ही साहित्यिक या फेसग्रुप ग्रुपवरुन आलेले लिखाण. हा ग्रुप मराठीसृष्टीने बनवला आहे व त्यावरील निवडक साहित्य मराठीसृष्टीवर प्रकाशित केले जाते. मराठीतील हा एक लोकप्रिय आणि दर्जेदार साहित्यविषयक ग्रुप आहे.

1 Comment on कृतज्ञता

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..