स्वागत नवनिर्माणाचे …..

तुम्हा सगळ्यांना दसऱ्याच्या हार्दिक शुभेच्छा..

सरत्या भाद्रपदाचा हात धरून आश्विन हळूच येतो ….या दिवसातलं मध्येच पडलेलं ठसठशीत पण सोनेरी मृदू ऊन … त्याच्या येण्याची ग्वाही आपल्याला देतं … सृष्टीचे हे दिवस फारच सुंदर असतात …. श्रावण भाद्रपदात पेरलेल्या बीजांनी सुंदर …. भरलेलं रूप घेतलेलं असतं … सृष्टीची ही आनंदात डोलणारी हिरवी समृद्धी नव्या नवरी सारखी सजलेली असते …. आणि आश्विनातली ही सोनेरी कोवळी उन्हं त्या सुंदर समृद्धीवर या उन्हाचा सोनेरी मुलामा देतात …. मग हे हिरवं पिवळं रूप … वाहणाऱ्या वाऱ्याचा हात धरून दिवसभर डोलत असतं …. सृष्टीतली ही पूर्तता … आपल्या मनाला सहज जाणवते … भावते … प्रफुल्लित करते …. आपल्या पूर्वजांनी हा आनंद साजरा करायला सणांची साखळी योजली …. नागपंचमी …. नारळी पौर्णिमा … गौरी गणपती … सृष्टीची ही पूर्तता .. समृद्धी … आपण साजरी करायला लागलो … या आनंदावर कळस चढवला तो घटस्थापनेने …