हिवसी हिवसी थंडी बोचरी,
अंगास झोंबे गार गारूसी,
दुधाळ धुक्याची चादर वढुनी
धरती धवल रंगात रंगली….!
नवप्रभा अन नवचैतन्य,
गगणविहारी कलरव करती,
कवळे कवळे ऊन रवीचे,
भल्यापहाटे सत्संग करती….!
दारोदारी चेतती शेकोट्या,
तिथे चालती टिका चकाट्या,
कुणी उगाच खवचट बोलितो,
कुणी विनोदे खसखस पिकवी….!
जिकडे तिकडे चहल चहाटी,
सळसळ चेते चैत जगती,
पळ पळ पळे जव रवी आकाशी,
वळ वळ करते जगरहाटी……!
वेल वृक्षांवर मोती पखरले,
दव नसेच ते अमृत सांडले,
पर्णस्वादे रंध्रे ते प्राशन करती,
मला तर वाटे बाल घुटी ती….!
©गोडाती बबनराव काळे,हाताळा,हिंगोली.
9405807079
Leave a Reply