‘मी आणि ती’ – ५

‘ किसी नजर को तेरा
इंतजार आज भी है….’

जगजीतची ही गजल मला नेहमीच
व्याकुळ करत असते , का कुणास ठाऊक.
खरे तर आयुष्य सुरळीत चाललेले असतानासुद्धा
ही गजल अस्वस्थ करतेच करते.

कारण कॉलेजच्या जीवनापासून
आत्तापर्यंत बरेच काही हरवलेले असते ..
अनेकजणी ह्या ना त्या कारणांनी
जवळ आलेल्या असतात
आणि कुठेतरी अशा जातात
की आयुष्यभर पत्ताच लागत नाही …

माझे असे झालेले .

.परंतु पहिल्यांदा जी कोण ती भेटली ती पार
पुसून टाकताही येत नाही.
अशीच ती होती .
पहिली …वहिली….

एका कर्यक्रमात एकत्र आलो होतो..
जेमतेम तीन चार तास ..असतील…
त्या कार्यक्रमाची माझी आणि तिची ..
बरीच चर्चा मित्रांमध्ये झाली होती त्यावेळी

तेच पत्ताही घेतला होता…
पण तो हरवला…
अर्थात तिनेही घेतला होता…
तो कुठे गेला हे तिलाच माहित….

जवळ जवळ ती मला आणि माझ्या मित्रांना
चर्चेसाठी वर्षभर पुरून उरली…

आणि आता नुसतीच माझ्यापुरती कुठंतरी उरली होती…

आज ती अचानक आठवली…
ती या गाण्यामुळे ..
आणि कालच्या प्रसंगामुळे ….

अचानक दादर स्टेशनला रेल्वे पुलावरून
जाताना , समोरून एक चष्मा लावलेली स्त्री येत होती..
सुव्यस्थित होती…

लांबून दिसली….
सरळ बघून जात होतो…
जवळ येता येता….
तिला बघत होतो…

ती मला…
आणि मी तिला …

दोघांनी एकमेकांकडे बघीतले….
दोघांचेही निर्विकार चेहरे….
माझे मेंदूचे डिपार्टमेंट…ती कोण
हे विचार करण्यात गुंतले होते…
आम्ही दोघेही एकमेकांना
क्रॉस करून पास झालो होतो…

दहा पावले जाताच आठवले…
अरे ती ….
पटकन मागे बघीतले..

गर्दी पुढे सरकली होती आणि ती देखील..

मागे आलो…
ती गायब झाली होतो…
४० वर्षांचा काळ गेलेला होता..
परत मागे फिरलो
एक हुरहूर मागे घेऊन ..

आयला त्यावेळेलाही कच खाल्ली होती..
आणि आता माती …

— सतीश चाफेकर

४१

Avatar
About सतिश चाफेकर 17 Articles
सतिश चाफेकर हे एक बहुआयामी व्यक्तिमत्त्व आहे. जगभरातील ३०००० पेक्षा जास्त व्यक्तींचा स्वाक्षरीसंग्रह त्यांच्याकडे आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…