कविता-गझल-चारोळी-वात्रटिका

आत्मारामा , सर्वेश्वरा , दयाघना देवा ! मंगलम चरण तुझे नमितो सदैव स्मरणात तुझ्या मी जगतो देवा ! मंगलम चरण तुझे वंदितो।।१।। शिशु , शैशव , वात्सल्य स्मरता वृध्दत्वे ! आज मी सुखात रमतो दैवे , प्रारब्ध्ये सुखदुःखां संगती तव कृपेच्या अमृतसागरी डुंबतो।।२।। क्षणक्षण सारे , सर्वेश्वराची कृपा मीच भक्त भोळा , अज्ञानी पामर तुझ्याच कृपाकटाक्षे […]

रसर क्षणक्षण सरता वर्षानुवर्षे सहजी सरती भाळी भोग सुखदुःखांचे चिरंजीव साऱ्याच स्मृती निसर्गाची सारी किमया अखंड कालचक्राची गती स्मरणाचेच दान जीवाला सत्कर्माचे संचित सदगती सद्गुणांना रुजवीत जावे सद्भावनां! सुखदाच अंती क्षण! हरविले उरी जपावे उसवित रहाव्या गतस्मृती नवे वर्ष, ही नवी पालवी ईश्वराची अगम्य अनुभूती आनंदाने सुस्वागत करावे हीच जीवनाची फलश्रुती — वि.ग.सातपुते.(भावकवी ) 9766544908 रचना […]

हॄदयस्थ ब्रह्म.! नित्य नांदते आहे! अंतरीचे भावशब्द स्वरी गुंफले आहे! स्वरात मी दंगलो भान हरपलो आहे! आलाप गंधर्वांचा षड्जाचाच आहे! अव्यक्त प्रीतीभाव शब्दी सांडले आहे! तृप्त मी, तृप्त मी जीवन सुखद आहे! लाभले सारेच संचिती दान आहे! कृपा दयाघनाची मीही कृतार्थ आहे! — वि.ग.सातपुते.(भावकवी) 9766544908 रचना क्र. १६३. २७ – १२ – २०२१.

गेले वर्ष असेच गेले. शाळेला नाही जाता आले. पण या वर्षी मी शाळेत जाणार ग. आई मी शाळेत जाणार आता या नवीन वर्षात मी नक्की जाणारच शाळेत. आता करोनाला नाही मुळीच भिणार. आई मी शाळेत जाणार ग मास्कही बांधणार रोज नाकावर. चालणं बसणं खेळणं सारेच अंतरावर. पण मित्रांची सोबत नाही सोडणार आई मी शाळेत जाणार ग. […]

जरा विसावुया! क्षणभर येथे स्मरुया , क्षणक्षण हरविलेले आणि सावरू! क्षण उरलेले जरा विसावुया! क्षणभर येथे ।।१।। आठवांना! किती उसवावे उलगडतांना सुख,दु:खांना लोचनांनी किती ओघळावे जरा विसावुया! क्षणभर येथे ।।२।। आयुष्य सारेच रंगलेभंगलेले तरीही आपण जगलो विवेके दयाघनाची , ती ईच्छया सारी आता विसावुया! क्षणभर येथे ।।३।। प्रीतच आपुली , ऋणानुबंधी स्पंदनी! नित्य उमलुनी येते गंधाळुनी […]

तू , मी आणि वाफाळत्या चहाचा कप तुझ्या ओठांवर हसू आणि नजर बेफिकर बाहेर धुंवाधार पाऊस आणि धावपळ करणारं शहर माझं काही बोलणं तुझं लक्ष मात्र कुठं दूरवर सर आता जरा कमी होते पाऊस शांत बरसत राहतो शब्दांना शोधता शोधता चहा निवत जातो काही क्षण असेच रेंगाळतात आठवणींना जपण्यासाठी तुझ्यासाठी , माझ्यासाठी आणि त्या वाफाळत्या चहासाठी… […]

आत्माराम हा पांडुरंग माझा अंतरीचा हाच विश्राम माझा।।धृ।। सदानसदा चालतो सांगाती सदासर्वदा देई मज सन्मती जागवितो, जगदिशा अंतरी कृपाळू हा आत्माराम माझा।।१।। जगत , व्यवहारी तो रमतो सत्कर्माची चाल चालवीतो निष्काम! सत्यरुप दावितो निर्विकार , आत्माराम माझा।।२।। जन्मूनीही , मरणच जीवाला व्यालेले , हेची सत्य सृष्टीला स्मृतीगंध तो सात्विक गंधावा सांगतो आत्माराम हा माझा।।३।। सत्यात वाहते […]

दीड दिवस , पाच दिवस, कुणाकडे रहातोस अकरा दिवस. सारे आळवणी करतात तुझी, कुणी करतात तुला नवस. काय सांगावा रुबाब तुझा, पेढे मोदक नुसती मज्जा. ऐषआराम सुखात ठेवतात तुला, आरत्या भजनांचा एकच कल्ला. घरही सारे न्हाऊन निघते, तुझ्या असण्याने भारून जाते. सुखकर्ता दुःखहर्ता म्हणतात तुला, अष्टसात्विक भाव जागवतात मनाला. सगळं छान शुभ प्रसन्न असतं, अशुभाला इथे […]

मधे एकदा सहज म्हणले टिकली पडल्ये. उत्तर आले लावते. मग सांगीतले नीट नाही ग लागली. ” तूच सारखी कर “ उत्तर आलं. काहीही न सांगता हळूच बिलगलीस ” ज्याचे नाव, त्याचे हात “ गोड छान कुजबुजलीस. एक टिकली इतके बोलते एक नाते जोडून जाते –चन्द्रशेखर टिळक १८ डिसेंबर २०२२

काल रात्री स्वप्नात, एन्ट्री घेतली बाप्पाने. ठोके दिले बाराचे, त्याचक्षणी घड्याळाने. सोंड हलवत, मस्त झुलत – माझ्याजवळ आला, काय पहातोय मी? विश्वासच बसेना झाला. एकसष्ट मोदकांचं तबक – होतं हाती त्याच्या, बाप्पाच्या हातचे मोदक – वाट्याला येणार कुणाच्या? झटक्यात संपूर्ण ताटच त्याने – माझ्यासमोर धरलं, हातात घेऊन हात मला – जिवेत शरदः शतम् म्हटलं. खडबडून झालो […]