कविता-गझल-चारोळी-वात्रटिका

आले भरून आभाळ झाकोळले आसमंत सांज सांजाळ केशरी वृदांवनी तेवते ज्योत ओढ़ गुंतल्या जीवास आत्म रंगले पावरित झंकारली मंत्रमुग्ध धुन चाहुल हरिची अंतरात तनमन सर्वार्थी मुक्त रमले भक्तीच्या रंगात लोचनी सत्याची जाण सर्वांतरी एक भगवंत –वि.ग.सातपुते.(भावकवी) (9766544908) रचना क्र. २९६ १८/११/२०२२

सखे सुखवित सुखा शांत निजली यामिनी नको जागवुस आता पुनःपुन्हा स्पंदनांना गंगौघी अमृतात विरघळली अधरे तृप्तवुनी अंतरीच्या साऱ्याच संवेदनांना निष्पाप, निरागस अवीट आत्मसुखदा अव्यक्त शब्दभावनांना व्यक्त कसे करु सांगना झाला श्रावण पावन, मंत्रमुग्धली पावरी राधामीरा आळविती गीतात भक्तीभावनांना –वि.ग.सातपुते (भावकवी) 9766544908  रचना क्र. २९४ १६/११/२०२२

वात्सल्य, प्रीत, लळा, जिव्हाळा या भावनांचे आज अर्थ बदललेले उरि न उरली माया ममता ममत्व ओढ, आस्था आपलेपण विरलेले निर्जीवी, पोकळ ते भावबंध सारे नातेच रक्ताचे, मृगजळी तरंगलेले इथे कुणीच कुणाचे कधीच नसती सत्य विदारक जगी पचनी पडलेले स्वसुखात जगणे उलघाल स्पंदनी स्वास्थ्य सारे मनामनांचे हरविलेले कलियुगाची रिती, स्वार्थी विकारी नात्यातील, प्रेमच सर्वत्र मालवलेले — वि.ग.सातपुते […]

झाले गेले सारे विसरूनी जावे व्हायचे ते ते सारे होतची असते क्षणाचा कां कधी असे भरोसा जगणे पूर्वप्राक्तनी कर्मची असते जन्म! देणे घेणे भोग प्रारब्धाचे पूर्वसंचित भाळीचे जगणे असते युगायुगांतुनी लाभे जन्म मानवी त्यावर केवळ सत्ता ईश्वरी असते कठपुतलीपरी हे जीवन मानवी दोरी अनामिकाच्या हाती असते किल्मीषे मनातील दूर सारिता अंतरी मन:शांती सुखवित असते मानवास अपूर्व […]

बघ ना सखे, कसं आभाळ गच्च दाटलंय मनात तुझ्या आठवणींचं काहूर माजलंय… चिंब भिजून या पावसात, कवेत मला घेशील ना? सांग ना प्रिये सखे, माझी होशील ना? अंगी झोंबे हा गार गार वारा मोहरून तुझ्या आठवणीने, येई देही गोड शहारा उबदार घट्ट मिठीत घेऊन, मला बिलगशील ना? सांग ना प्रिये सखे, माझी होशील ना? सखे सुरू […]

आता न कुणीच उरले असे जीवाचे ज्याच्या आठवणीत अजुनी जगावे गाभाऱ्यातील प्रकाशज्योत निमाली अंधारल्या, आठवातुनी कसे जगावे एकांती छळतो भावप्रीतीचा गारवा गोठविणाऱ्या वेदनेतुनी कसे जगावे दाटला सभोवार निर्विकार काळोख आता उगा, कुणाला शोधित जगावे आता न कुणीच उरले असे जीवाचे ज्याच्या आठवणीत अजुनी जगावे — वि.ग.सातपुते (भावकवी) 9766544908  रचना क्र.२९१ ८/११/२०२२

सत्यशाश्वत आणि अशाश्वत अनुभवल्याविना कळत नाही सत्यप्रेम म्हणजे काय असतं ? केल्याविना कधी कळत नाही… विरह देखील काय असतो ? भोगल्या शिवाय कळत नाही सुख, दुःख, वेदना देखील जगल्या शिवाय कळत नाही… फक्त मीच, हा व्यर्थ अहंभाव कधीच, कुणाचा टिकत नाही परदुःख नेहमी शीतल असते स्वदुःखाचा दाह साहवत नाही… जीवन पुर्वकर्माचा हिशेब सारा चुकविण्या शिवाय पर्याय […]

अंतरी स्नेहलभाव असावा मनी नसावी असुया कटुता निर्मल मैत्रसहवास घडावा भक्ती प्रीतीचा छंद जडावा…. संस्कारी अमृतात भिजावे हॄदयी सत्यप्रकाश पडावा संतत्वाच्या जळात डूंबता जीवनाचा सत्यार्थ कळावा…. जन्म मानवी संचित युगांचे सत्कर्मी सदा जगत रहावा चैतन्याचा आत्माच हरिहर ध्यास जीवा त्याचा असावा…. — वि.ग.सातपुते (भावकवी) 9766544908  रचना क्र.२८९ ७ /११ /२०२२

आली माऊली विट्ठलाचे भेटी नाचे परब्रह्म आनंदे वाळवंटी..।।धृ।। आषाढ़ी कार्तिकी चाले दिंडी धावते मोदे संतांची पालखी हरिदास टाळमृदंगे नाचनाचती…।।१।। तुळसीमाळ गळा गंध कपाळी मुखे हरीनाम गरजे आसमंती नेत्री राणा पंढरिचा लागे भेटी…।।२।। सोहळा सुखाचा चंद्रभागेतीरी जीवाजीवासंगे गुंतला विठ्ठल अंतरी उरला केवळ जगजेठी…।।३।। गाभारी, साक्ष द्वैत अद्वैताची निष्पाप, गळाभेट वैष्णवांची रूपडे सावळे नाचते वाळवंटी…।।४।। — वि.ग.सातपुते (भावकवी) […]