मानसी कावले (मी मानसी)
About मानसी कावले (मी मानसी)
मी मानसी कवळे. मराठीमध्ये M.A.(1st sem.)केले आहे. प्रॉविडंट फंड कार्यालयातून निवृत्त झाले आहे. Email: manasinamdeo@gmail.com
Contact: Facebook

बंधन (बॉण्ड) – (एक कथा)

“अहो पण! लोक काय म्हणतील? पहिल्या बाळंतपणाला लेकीने आईकडे यायचं तर आईच लेकीकडे जाऊन राह्यली. आता सगळयांना हे सांगत फिरायचं का की माझ्या लेकीलाच इकडे यायचं नाही?” काल तिला आर्याने तसं सांगितल्यापासून सुलभाची चिडचिड सुरु झाली होती. आर्या सुलभाची मुलगी पहिल्यांदा प्रेग्नन्ट होती. सातवा लागला म्हणून सुलभाने माहेरी आणायचा विषय काढला तर तिने, तुच इकडे ये म्हणून सुलभाला सकंटात टाकलं होतं. […]

अर्थ

“अर्थ” चांदण्याही विझलेल्या चंद्रही जणू निजलेला सावळले नभ सारे गाती वाहते वारे ——————तू कुठे?!!१ थेंब थेंब शिडकावा कुठूनसा हळु व्हावा वाऱ्याच्या कुणी पाठी झाडे का झिंगताती ———————तू कुठे?!!२ कसली ही झाली नशा धुंद जशा दाही दिशा पंखाविन तरल तनु अवकाशी झेप जणु ———————तू कुठे?!!३ जिवनाचा अर्थ नवा चराचरा उमगावा या हळव्या क्षणी जरा स्पर्श हवा प्रेमभरा […]

बहर

तुला मी मला तू किती जपलं आजवर मनात तेच रुजलंय खूप खूप खोलवर ! त्याचा बहर मनांत खुलतो तुला नि मला दोघांनाच कळतो ! — ….. मी मानसी

तुझ्याविना

उगाच हे नसूनही, दिसायचे असायचे तुझ्याविना कसे कसे, जगायचे उरायचे !! मनीच भाव आतले, जरा जरा जपायचे हळूच पापणीतले, दुःखही पुसायचे !! नवेच काही लाडके, तुझ्यापरी नसायचे तरीहि दंगदंगुनी, फुलात फुल व्हायचे !! रंग जीवनातले, जाहले फिकेफिकें खुळेच श्वास चंदनी , स्मरायचे, भरायचे !! — ….. मी मानसी

पुनर्भेट

ही कविता जरुर वाचा आणि त्यानंतर… मी काया आणि तू आत्मा असं समजून सुद्धा वाचा… म्हणजे वेगळा अर्थ समजेल. […]

जिवलगा

जवळी येताच तू जग नवे भेटले स्वप्न जागेपणी पाहते वाटले ll सुखाच्या सरी झेलतांना खुले पुन्हा ते तुझे रूप भासातले ll का शहारा फुटेना मनाला अता पांघरुनी तुझा श्वास घेता ll रंग माझा तुला गंध माझा तुला जिवलगा s s s s जिवलगा ll भास ध्यानी मनीं स्वप्नी जागेपणी तूच तू तूच रे जिवलगा s s […]

देवा

देवा तुझे जरी सुंदर आकाश मी तुझा प्रकाश अंधारी का——————ll १ ll सुंदर वेलींना सुंदर हि फुले माझीच का मुळे खुडलेली ——————-ll २ ll साखरेचे खाई त्याला तूच देशी मी का रे उपाशी तुझ्या घरी ——————ll ३ ll भिकारी तुही तुझ्या आईविना माझ्या का वेदना जाणेनाशी ——————ll ४ ll काठीला तुझ्या आवाजच नाही तरी त्राही त्राही […]

भेटीगाठी

अशाच येती भेटीगाठी गतजन्मीची घेऊनी नाती मित्र म्हणा वा म्हणा सोबती ओळख ती ती आतापुरती llधृll कितीक असुनी अवतीभवती चारांचीच मग होते गणती अंतरातले प्रेम नांदते विश्वासाच्या बांधून भिंती ll१ll अशाच येती भेटीगाठी … झुरणे मरणे नाही वायदे इथे न कसले नियम कायदे प्रेमच भाषा प्रेमच मनीषा प्रेमच केवळ आदी अंती ll२ll अशाच येती भेटीगाठी … […]

‘तू’

क्षणी पालटली कळा तूझा हात हाती आला माझा रुतु बदलला।।१।। नवा उगवला दिस तुला बांधुनिया पाशी भिरभिरे अवकाशी।।२।। काही उरले ना काज तुझा ध्यास निशीदिनी तुच स्वप्नी जागेपणी।।३।। जीव भारलेला असा तुझ्या नावाच्या पुढती सारी संपतात नाती।।४।। भान काळाचे नुरले आता आयुष्य ते किती तुझ्या श्वासांची गणती।।५।। …….।।मी मानसी।।