नवीन लेखन...

श्रीहरी स्तुति – ८

मात्रातीतं स्वात्मविकासात्मविबोधं
ज्ञेयातीतं ज्ञानमयं हृद्युपलभ्य।
भावग्राह्यानन्दमनन्यं च विदुर्यं
तं संसारध्वान्तविनाशं हरिमीडे।।८।।

परब्रह्म परमात्मस्वरूप असणाऱ्या भगवान श्रीविष्णूच्या त्या स्वरूपाचे वर्णन करताना आचार्यश्री पुढे म्हणतात,
मात्रातीतं – ते तत्त्व सर्व मात्रांच्या अतीत आहे‌. मात्रा शब्दाचा अर्थ मोजण्याची गोष्ट. भगवंत कोणत्याच स्वरूपात मोजता येत नाही . स्थलकाल अशा कोणत्याच सापेक्षता त्या तत्वाला लागू पडत नाहीत.
त्यामुळे परम अमर्याद असणाऱ्या त्या तत्त्वाला शास्त्राने मात्रातीत असे म्हटले आहे.
स्वात्मविकासात्मविबोधं – त्या परमात्म्याचा स्वतःच्या आत्म्याचा ठिकाणीच बोध करून घेता येतो. स्वतःला विकसित करून त्याच्या स्वरूपात विलीन करणे हाच त्याच्या ज्ञानाचा एकमेव मार्ग आहे.
ज्ञेयातीतं – व्यवहारात आपल्यापेक्षा भिन्न स्वरूपात ज्या गोष्टीची जाणीव होते त्याला ज्ञेय असे म्हणतात. भगवान अशा सर्व ज्ञेय पदार्थांच्या पलीकडे आहेत.
ज्ञानमयं – ज्ञान हेच भगवंताचे स्वरूप आहे. त्यामुळेच त्यांना चिन्मय असे म्हणतात.
हृद्युपलभ्य – भक्तीने च्या भगवंताचा हृदयात अनुभूती स्वरूपात लाभ करून घेता येतो.
भावग्राह्य – भक्तिभावाने ज्याला ग्रहण करता येते असे.
आनन्दं – परमानंद हेच ज्यांचे स्वरूप आहे असे.
अनन्यं च – ज्यांच्या समान अन्य कोणीही अस्तित्वातच नाही असे.
विदुर्यं – याच स्वरूपात ज्ञानी लोक ज्यांना जाणतात,
तं संसारध्वान्तविनाशं हरिमीडे – त्या संसाररूपी अंधकाराचा विनाश करणाऱ्या भगवान श्रीविष्णूंचे मी स्तवन करतो.

— प्रा. स्वानंद गजानन पुंड

प्रा. स्वानंद गजानन पुंड
About प्रा. स्वानंद गजानन पुंड 412 Articles
लोकमान्य टिळक महाविद्यालय वणी म्हणजे येथे संस्कृत विभाग प्रमुख रूपात कार्यरत. २१ ग्रंथात्मक श्रीगणेशोपासना ग्रंथमालेची लिम्का बुक ऑफ रिकार्ड मध्ये विक्रम रूपात नोंद. श्रीमुद्गलपुराण कथारूप आणि विश्लेषण ही ९ खंड १७०० वर पृष्ठांची ग्रंथमालिका. विविध धार्मिक ,शैक्षणिक, सामाजिक संस्थांमधून २१०० वर प्रवचन, व्याख्याने

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..