नवीन लेखन...

श्रीहरी स्तुति – ५

आचार्येभ्यो लब्धसुसूक्ष्माच्युततत्त्वा
वैराग्येणाभ्यासबलाञ्चैव द्रढिम्ना।
भक्त्यैकाग्र्यध्यानपरा यं विदुरीशं
तं संसारध्वान्तविनाशं हरिमीडे।।५।।

आपल्या जवळ ज्ञानाचे साधन स्वरूपात असलेल्या पंचज्ञानेंद्रियांनी जरी भगवंताचा अनुभव घेता येणे शक्य नसले तरी त्यासाठी काही वेगळे मार्ग शास्त्राने दिलेले आहेत.
हे मार्ग कोणकोणते ? याचे विवेचन करताना आचार्य श्री म्हणतात,
आचार्येभ्यो – आचार्यांच्या अर्थात श्रीगुरूंच्या कडून प्राप्त झालेल्या ज्ञानानुसार,
लब्धसुसूक्ष्मात् – अत्यंत सूक्ष्म तत्वा असलेल्या,
अच्युततत्त्वा – अच्युता तत्वाला जाण्याच्या बाबतीत, साधकाला यश प्राप्त होते.
अर्थात श्रीगुरूंची प्राप्ती हा या मार्गातील पहिला टप्पा आहे. त्यांच्या मार्गदर्शनात भगवंताचे दर्शन घडू शकते.
त्यानंतर आवश्यक असणारी दुसरी गोष्ट सांगताना आचार्य श्री म्हणतात,
वैराग्येण – वैराग्य पूर्ण रीतीने अर्थात भगवंताच्या प्राप्ती शिवाय अन्य कोणत्याही विषयात आसक्ति न ठेवता,
अभ्यासबलाञ्चैव द्रढिम्ना- दृढ परिश्रमपूर्वक केलेल्या अभ्यासाने. याच शास्त्र ग्रंथांचा अभ्यास हा ज्ञानमार्ग तथा अष्टांग योग मार्गाचा विचार अपेक्षित आहे.
त्याचा दृढ निर्धारपूर्वक अभ्यास अनिवार्य आहे असेच आचार्य सांगत आहेत.
आणखी एक महत्त्वाचे साधन सांगतांना ते म्हणतात,
भक्त्यैकाग्र्यध्यानपरा – परमभक्तीने एकाग्रतापूर्वक ध्यान करून,
यं विदुरीशं – ज्या भगवंताला जाळता येते,
तं संसारध्वान्तविनाशं हरिमीडे – त्या संसाररूपी अंधकाराचा विनाश करणाऱ्या श्रीहरींचे मी स्तवन करतो.

— प्रा. स्वानंद गजानन पुंड

प्रा. स्वानंद गजानन पुंड
About प्रा. स्वानंद गजानन पुंड 349 Articles
लोकमान्य टिळक महाविद्यालय वणी म्हणजे येथे संस्कृत विभाग प्रमुख रूपात कार्यरत. २१ ग्रंथात्मक श्रीगणेशोपासना ग्रंथमालेची लिम्का बुक ऑफ रिकार्ड मध्ये विक्रम रूपात नोंद. श्रीमुद्गलपुराण कथारूप आणि विश्लेषण ही ९ खंड १७०० वर पृष्ठांची ग्रंथमालिका. विविध धार्मिक ,शैक्षणिक, सामाजिक संस्थांमधून २१०० वर प्रवचन, व्याख्याने

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..