यादवी माजवण्याचा प्रयत्न हाणून पाडा

गरीब, शेतकरी वा दुकानदारांच्या त्रासाचा मुखवटा घेऊन जनतेला उचकवणारे नेते पुष्कळ आहेत.तर्खडकरांच्या दुस-या भाषांतर मालेतील आम्हाला एक वाक्य ‘ Y ‘च्या जागी ‘ I ‘ केव्हा येतो हे व्याकरणात शिकवले जात असे .”GOOD CITIZENS ARE REJOICING AND THE BAD ARE WEEPING “.देशात तंतोतंत असेच चालले आहे.

मायावती आणि मुलायम यांच्याकडे तर बेहिशोबी मालमत्ता असल्याची जुनी प्रकरणे आहेत. राहिले केजरीवाल! त्यांनी तर कोट्यवधी रुपये वर्गणीतून गोळा केल्याचे दावे वारंवार केलेले आहेत. नेमक्या अशाच लोकांना नोटा रद्द झाल्याची इतकी पोटदुखी कशाला? राहुल गांधी यांना लायनीत उभे राहून नाटक करण्याची गरज काय ? लोकांच्या सहन शीलतेचा अंत पाहू नका !!! आता क्रांती होईल ती राज्य कर्त्यांच्या विरोधात न होता राज्य कर्त्यांच्या विरोधात असणा-या लोकांच्या विरोधात असेल.लोकांना मूर्ख समजण्याचा मूर्खपणा करू नका.

काही सरकारी बाबू आणि बँकेतील उच्च पदस्थ अधिकारी सुद्धा नोटा बदलण्याचा व्यवहार पंतप्रधानांच्या अंगलट कसा येईल हाच प्रयत्न करीत आहेत.त्यांचे प्रयत्न हाणून पाडा. आणखी काही दिवसात प्रचंड काळे पैसे मातीमोल होणार आहेत.देशातल्या प्रत्येक नागरिकाने स्वतः नरेंद्र मोदी आहोत असे समजले पाहिजे.मोदींना कोट्यवधी हातांचे बळ दिले पाहिजे.

देश बदलतोय त्याची सुरवात स्वतः बदलून करा.

चिंतामणी कारखानीस –

14 Nov 2016