Web
Analytics
माकड आणि माणूस यांच्यातील फरक – Marathisrushti Articles

माकड आणि माणूस यांच्यातील फरक

माकड जेंव्हा आरशात बघतं, तेंव्हा त्याला माकडच दिसतं..!

आणि माणसाला..?

हा प्रश्न मी  फेबुवर विचारला होता. खुप जणांनी उत्तर द्यायचा प्रयत्न केला. बऱ्याच जणांची उत्तरं मला अपेक्षित उत्तराच्या जवळ जाणारी होती, परंतू मला अपेक्षित असलेली ती उत्तरं नव्हती.

तरी हरकत नाही. प्रश्नावर विचार करायचा आणि विचारांती त्यांना पटलेली उत्तरं देण्याच्या माझ्या मित्र मैत्रिणींनी केलेल्या प्रयत्नांचं मला खरंच खुप कौतुक वाटतं. उत्तर बरोबर किंवा चुक यापेक्षा विचार करणारे लोक माझ्या मैत्र यादीत आहेत, याचा मला जास्त आनंद वाटतो..

तर, माणूस जेव्हा आरशात पाहातो, तेंव्हा त्याला माकडाप्रमाणे माणूसच दिसतो, हे त्या प्रश्नाचं अपेक्षित उत्तर.

परंतू तसं खरंच होतं? याचं उत्तर मात्र नाही असंच मिळतं, असा आपल्या सभोवताली आणि आपल्या स्वत:कडेही पाहाताना निश्कर्ष काढावा लागतो.

माणूस जेंव्हा आरशात पाहातो, तेंव्हा त्या आरशात त्याचा इगो दिसतो, त्याची प्रतिष्ठा दिसते, त्याचं पद दिसतं, पैसा दिसतो, त्याच्या ‘मी’पणा दिसतो. कुणाला सतिन तेंडुलकर दिसतो, कुणाला अमिताभ दिसतो, कुणाला कतरीना दिसते, कुणाला सायना दिसते, तर फार कमी जणींना का होईना, पण लेफ्टनंड स्वाती महाडीकही दिसत असेल.

थोडक्यात माणसाला आरशात स्वत:ला पाहाताना काहीही दिसू शकतं, दिसत नाही तो फक्त त्याच्यातला ‘माणूस’..!

माणूस ‘देवाचा अंश’ असतो असं म्हणतात, परंतू माणसाचं वागणं पाहिलं की, तो ‘माकडाचा (बिघडलेला) वंश’ आहे हे वैज्ञानिक सत्य मात्र पटतं.

फरक एकच, माणूस ज्या माकडाचा वंश आहे, ते माकड मात्र आपल्या नैसर्गिक गुणधर्माशी जास्त प्रामाणिक असतं..म्हणून त्याला आरशात ते स्वत:च दिसतं..

जो पर्यंत माणसाला आरशात तो स्वत: दिसत नाही, तो पर्यंत तो स्वत:चं आणि इतरांचं आयुष्य बदलू शकत नाही..

— ©️ नितीन साळुंखे
9321811091

(फोटो-इंटरनेट)



नितीन अनंत साळुंखे  उर्फ गणेश
About नितीन अनंत साळुंखे  उर्फ गणेश 345 Articles
श्री नितीन साळुंखे (मित्रपरिवारात गणेश या नावाने परिचित) हे मुळचे सिंधुदुर्ग जिल्ह्यातील वैभववाडी तालुक्यातील खांबाळे या गावचे. सध्या मुक्काम मुंबईत. वाचन, लेखनाची अत्यंत आवड. स्वत:चा ७०० हून जास्त पुस्तकांचा संग्रह. इतिहास, भाषा,शब्दांचा जन्म, देव, धर्म, संस्कृती, प्रथा, परंपरा यांचा अर्थ काय व त्या कशा अस्तित्वात आल्या याचा शोध घेण्याची विशेष आवड. लहानपणापासून संघ स्वयंसेवक व संघविचारांशी एकनिष्ठ. पुणे येथील संघप्रणित सर्वात मोठ्या अशा जनता सहकारी बॅंकेतील प्रदिर्घ नोकरीनंतर त्यांचे मित्र आणि आमदार प्रमोद जठार यांच्याबरोबर काम करण्यासाठी त्यांनी २००७ मध्ये नोकरी सोडली. त्याचबरोबर मित्राबरोबर मुंबईत बांधकाम व्यवसायात पदार्पण. २०-२२ वर्षांचा ज्योतिष शास्त्राचा अभ्यास असल्यामुळे परिचितांमध्ये एक उत्तम ज्योतिषी म्हणून ओळख. सर्व थरातील मित्र. त्यातही बहुतकरून लेखक, कविंचा, कलाकारांचा जास्त भरणा.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

कोकणचा मेवा – करवंदे

'डोंगरची काळी मैना' म्हणून प्रचलित असलेले करवंद हे काळे लहानग्या ...

कोकणचा मेवा – कोकम

आंब्याबरोबरच काळसर लाल रंगाचे कोकमही लक्ष वेधून घेतात. ताजे कोकमही ...

कोकणचा मेवा – आंबा

उन्हाळा वाढत असतांना काजूसोबतच उभ्या असलेल्या आंब्याच्या झाडाला लगडलेल्या कैऱ्या ...

कोकणचा मेवा – काजू

कोकणचा मेवा - काजू

उन्हाळा सुरू झाला की रस्त्याच्या कडेला असलेल्या काजूच्या झाडातून चमकणारी ...

Loading…