नवीन लेखन...

तो.. ती.. आणि मी !

तो कधी कधी मला त्या बस स्टॉपवर दिसत असे , पण एकटाच ..ठराविक वेळी आठ ते साडेआठच्या दरम्यान.
सुमारे चार वर्षांपूर्वी तो मला असाच दिसत असे पण त्याच्या बायकोबरोबर .

तो तिला सोडायला येत असे. डोक्याला अर्थवट टक्कल , जाड भिंगाचा चष्मा , जरा उंच पण बळकट.
…आणि ती अत्यंत सुंदर , ओठाला लिपस्टिक ..जास्त गडद नाही , उत्तमपणे साडी नेसलेली..थोड्याशा उंच हिल च्या चपला .

खूपच सुंदर होती, नजर सतत खाली , जास्त बोलणे नाही ….

एकदोनदा माझी तिची नजरानजर झाली परंतु निर्विकार चेहरा…अर्थात ते ‘ निर्विकार ‘ सौदर्य होते का ?
हाच प्रश्न मी मला स्वतःला विचारला होता.

खरे पाहिले तर ते माझ्या दृष्टीने विजोड जोडपे होते…परंतु तो तिला नियमितपणे बस स्टँडवर सोडण्यास येत असे.
एकंदरीत मला त्या दोघांचे आयुष्य गूढ वाटत होते.

त्या स्पॉटला आलो की आजही मला ती आठवते..अर्थात त्यावेळी.
तेथे असणारा प्रत्येक बस स्टॉपवरचा माणूस , स्त्री तिच्याकडे बघायचा आणि मग त्याच्याकडे.
ते नवराबायको होते इतके मात्र निश्चित.

किती गम्मत असते , कोण ते , ना ओळख ना पाळख पण मनात विचार येत होता तो तिच्या सुंदर दिसण्याचा आणि त्याच्या सामान्य असण्याचा. ह्यांचे लग्न कसे जमले असेल , असा विचार माझ्या नाही अनेकांच्या मनात तिला बघितल्यावर येत असे

….तसा तो प्रश्न अनेक जणांच्या नजरेत मला दिसत असेल.
खरेच त्याला ‘ लॉटरीच ‘ लागली असेल.
अर्थात हे माझे मत आहे….अर्धवट दिसण्याच्या माहितीवर.

त्यांचे खाजगी आयुष्य कसे आले…ते जास्त बोलताना तर दिसत नव्हते ….तो तिला बसमध्ये बसवत असे आणि मग निघून जात असे.

मला एरवी तो माणूस शहरात दिसत नसे , कुठे फिरताना म्हणा किंवा बाजारात किंवा कुठेही नाही….
दिसायचा तो फक्त बस स्टॉपवर . त्यामुळे माझे कुतूहल सतत वाढत असे. पण तितकेच शांत होत असे कारण मी माझ्या कामात परत गुंतून जात असे.

हल्ली परत तो दिसू लागला पण एकटाच त्या बस स्टॉपवर ..
पूर्ण विस्कटलेला दिसत होता मध्येच काही पुटपुटत असे…
बस येत असत …जात असत हा…
असाच अर्धापाऊण तास तसाच स्टॉपवर …
काहीतरी पुटपुटत असे आणि निघून जात असे.
त्याचा तो विस्कटलेला चेहरा पहिला की काही तरी जाणवत असे….
समथिंग काहीतरी घडले हे निश्चित असणार ……
अलीकडे तो दरोरोज दिसत असे ..
मी माझी बस आली की निघून जात असे…

मला त्याच्याशी खरे तर बोलायचे होते पण कसे बोलणार , नाही ओळख , पाळख…

दिवस जात होते, मुंबईला वरळीला काही कामानिमित्त टॅक्सीने एके दिवशी जात असताना, टॅक्सी सिग्नलवर थांबली…
बाजूला एक गाडी थांबली ..ड्राइव्हर सीटवर एक मध्यम वयाचा माणूस होता , गाडी जास्त भारी नव्हती आणि त्याच्या बाजूला बसलेल्या बाईकडे नजर गेली , तिनेही माझ्याकडे गॉगलमधून बघीतले ..
ती तीच होती ….पण आता साडी नव्हती उत्तम ड्रेस होता…हेअर स्टाईल बदलेली होती ..

आणि

ह्यावेळी तिच्या ओठाची लिपस्टिक मात्र मला खूपच गडद वाटली…
सिग्नल सुरु आला ,
तिने माझ्याकडे बघीतले…मला वाटते तिने मला सॉफ्ट स्माईल केले बहुतेक ….

तिची गाडी निघून गेली
परंतु
मात्र माझ्या डोळ्यासमोर ..
त्याचा विस्कटलेला चेहरा सतत येत होता…..???????

— सतीश चाफेकर

Avatar
About सतिश चाफेकर 447 Articles
सतिश चाफेकर हे एक बहुआयामी व्यक्तिमत्त्व आहे. जगभरातील ३०००० पेक्षा जास्त व्यक्तींचा स्वाक्षरीसंग्रह त्यांच्याकडे आहे.

1 Comment on तो.. ती.. आणि मी !

  1. ती मला नेहमीच भेटते…जर तुम्हालाही भेटत असेल तर या कथा निश्चित आवडतील …धन्यवाद

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..