नवीन लेखन...

गोष्ट “अशी” संपायला नकोय !

११ जानेवारीला अल्वार हून पंतनगर च्या वाटेवर असताना, मित्राने व्हाट्सअपवर कळविले – ” लता मंगेशकर आय सी यू त -कोरोनाची बाधा !” व्हाट्सअप विद्यापीठावर मी शक्यतो विश्वास ठेवत नाही म्हणून घरी पत्नीला तातडीने फोनलो – ” टीव्ही वर काही वृत्त आहे का बघ आणि कळव. ”

ती म्हणाली – ” होय, एक लंगोट दिसतोय चॅनलवर ! बातमी खरी आहे.”

आज आठवडा होत आलाय, मी ट्रॅक करतोय प्रकृतीचे अपडेट आणि मिळवतोय हेल्थ बुलेटिन ! हात जोडलेले आहेत आणि ओठ अस्वस्थ आहेत.
जो स्वर जीवनाचा कणा बनलाय, ज्याने माउलींच्या शब्दांनी साक्षात देवांना आकृष्ट केलंय, ज्याने आयुष्यातील प्रत्येक प्रसंगाला आवाज दिलाय, ज्याने आख्खं आयुष्य सुश्राव्य केलंय, ज्याने प्रत्येक भावना अलंकृत केलीय त्याच्यासाठी प्रार्थना करा असं आवाहन काल वाचनात आलं.

अशा व्यक्तीच्या वाट्याला जाताना काळाने,व्याधींनी त्या व्यक्तीचा इतमाम सांभाळायला हवा एवढंच मला वाटतं. जेव्हा केव्हा असेल तेव्हा ” अलविदा ” साजेसा असावा, अशी माफक अपेक्षा आहे.

“अनुरोध “मध्ये खन्नाच्या आवाजात किशोर धमकी देतो- ” यारो का गम क्या होता हैं ! ” आणि बजावतो– “माझ्या मित्राला ( विनोद मेहेराला) काही झाले तर मी गायचं सोडून देईन.”

सचिन सेवानिवृत्त झाल्यावर मी क्रिकेट पाहणे सोडलंय. आता कदाचित गाणे गुणगुणायचे सोडावे लागेल——- !

गोष्ट ” अशी “संपायला नकोय !

बस्स !
लेखन सीमा

— डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..