सुखाचे मृगजळ

धांवत असे मन आमचे,  शोधण्या नेहमीं सुखाला
सुख तर आहे मृगजळ,  फसवित राही सर्वाला…१

मृगजळाचे  धावूनी पाठी,  निराशा हाती येत असे,
वेडी आशा मनीं बाळगुनी,  सुखासाठी तडफडत असे…२,

आपल्या हाती नसेल तेथें, सुख आम्हा भासत असे
जवळ जातां प्रयत्न करूनी,  सुख नसूनी दुःखची भासे…३,

खरे सुख कशांत बघतां,  तें तुमच्या मनींच वसत
बाह्य जगी शोधत असतां   दुःख तुमचे हातीं लागते…४,

दुःख असे अंवती भंवती,   सुख तुमच्या अंतर्यामीं
बाह्य जगातील सुख परि  कधीं न येती तुमचे कामीं….५

डॉ. भगवान नागापूरकर
संपर्क – ९००४०७९८५०
bknagapurkar@gmail.com