बेरियम टेस्ट

 

हे फोटो काढण्यास क्ष किरण तज्ञांना आधी भेटणे जरुरीचे आहे कारण यासाठी पुन्हा उपाशी पोटी जावे लागते. व आदल्या दिवशी जुलाबाचे औषधही घ्यावे लागते. जर बेरियम टेस्ट फक्त पोटासाठी (स्टमक, ड्युओडेनम) असले तर फक्त १५ मिनिटेच लागतात व यात स्पेशल डबल कॉंन्ट्रास्ट स्टडी म्हणजे हवा व बेरियम मिश्रण करुन पोटाचे अल्सरसाठी फोटो काढले जातात.

यासाठी प्रथम काळोखात स्क्रिनिंग करुन पोटात दिलेले औषध स्पष्ट बघितले जाते व योग्य अॅंगलमध्ये एक्स-रे काढले जातात. हे औषध अत्यंत सुरक्षित असते. ते मातकट चवीचे असले तरी कडू नसते. आज या औषधाचे वेगवेगळे फ्लेवर्स उपलब्ध आहेत.

रुग्णाला नळी घालून एन्डोस्कोपीचा त्रास होणार असेल तर हे एक्स-रे, अल्सरचे निदान करण्यास सोपे जातात. या एक्स-रेची क्षमता ९९ टक्के इतकी असते. शिवाय एन्डोस्कोपीमध्ये पोट आतून बघितले जाते त्यामुळे बाहेरील गोष्टी दिसत नाहीत. उदा. पोटाचा आकार, अन्ननलिका फुगलेली आहे की नाही हेही आतून कसे सांगणार ?

पुढील महत्वाचा भाग म्हणजे बेरियम फॉलोथ्रु. यात रुग्णाला बेरियम पिण्यास देऊन क्लिनिकमध्ये तीन तास उजव्या कुशीला झोपवले जाते व औषध जसजसे पुढे जाईल तसतसे पाचसहा फोटो काढून आतड्याचा तपास केला जातो. यात आतड्याला सूज आहे का किंवा रुग्णाला टी.बी. आहे का, जंत आहेत का, हेन दिसून येते. हे झाले पोटाचे साधे व स्पेशल एक्स-रे पुढील लेखात बेरियम स्वॅलो व एनिमा याबद्दल बघू.

— डॉ. श्रीकांत कमलाकांत राजे

डॉ. श्रीकांत राजे
About डॉ. श्रीकांत राजे 21 Articles
ठाणे येथील सुप्रसिद्ध रेडिओलॉजिस्ट. एक्स-रे आणि सिटी स्कॅन या विषयांतील तज्ज्ञ. मेडिव्हिजन या डायग्नॉस्टिक्स सेंटरचे संचालक. “मेडिकल इमेजिंग” या क्ष किरण व मॉडर्न इमेजिंग विषयांवरील पहिल्या मराठी पुस्तकाचे लेखक. सर्वसाधारण माणसाला या विषयावरील महत्वाची माहिती थोडक्यात मिळण्यासाठी या पुस्तकाचा मोठा उपयोग झाला.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…