स्वप्नांच्या उपवनात नव्हता त्या सुमनांचा वावर

गझल
जाती: समजाती-पद्मावर्तनी-लवंगलता
मात्रा: ८+८+८+४=२८मात्रा
************************************
स्वप्नांच्या उपवनात नव्हता त्या सुमनांचा वावर
पूर्ण रात्र ज्यांच्या गंधाचा उशास होता जागर

परिस्थितीचे वाळवंटही सहज काटता यावे
माथ्यावरती फक्त असावी तुझ्या कृपेची पाखर

निबरपणा गेला, गेला ताठाही कण्यातला या
झुकवत होती, झुलवत होती मला नित्य ही भाकर

अशा लिहित मी गेलो गझला, पेरत गेलो मजला
जणू लेखणी नव्हती माझ्या हाती होता नांगर

कूपमंडूकांमधे कशाला जाऊ तिथे रमाया
हृदयी माझ्या सरस्वतीचा जिवंत आहे पाझर

नको व्हायला अन्नाचा अवमान हातुनी माझ्या
नको तुझेही मन मोडाया, दे हातावर साखर

उगा न झाला शेर शेर गगनासम गझलेमधला
शब्दांच्या भवताली आहे नि:शब्दाची झालर

सुधारगृहात हृदयाच्या मी ठेवल्या व्यथा काही
त्यांना शमवायला नाही पुरली माझी फुंकर

कितीक निश्चल इच्छा पडुनी अजूनही या हृदयी
अलीकडे वाटते हृदय हे माझे एक शवागर

दु:ख अपेक्षाभंगाचे ना नादी लागत माझ्या
अपेक्षा न मी ठेवत कुठल्या बंद्या किंवा चिल्लर

–प्रा. सतीश देवपूरकर



महासिटीज…..ओळख महाराष्ट्राची

p-2078-IT-policy-300

महाराष्ट्राची आयटी अनुकूल शहरे

भारतीय माहिती तंत्रज्ञान क्षेत्रातील व्यावसायिक संघटना नेस्कॉमच्या (नॅशनल असोसिएशन ऑफ ...
p-2104-muktagiri-300

श्रध्दास्थान मुक्तागिरी

विदर्भातील अमरावती जिल्हयात मुक्तागिरी हे निसर्गरम्य तसेच जैनधर्मीयांचे महत्त्वाचे धार्मिक ...
p-2060-mahalaxmin-temple-01-300

करवीरनगरी अर्थात कोल्हापूर

करवीरनगरी अर्थात कोल्हापूर जिल्ह्यास ऐतिहासिक, सांस्कृतिक, सामाजिक, शैक्षणिक वारसा लाभलेला ...
p-2090-ambejogai-city-300

अंबेजोगाई

अंबेजोगाई बीड जिल्ह्यातील एक शहर आहे. १३व्या शतकात स्वामी मुकुंदराज ...

Loading…