नवीन लेखन...

श्री उमामहेश्वर स्तोत्रम् – ३

नमः शिवाभ्यां वृषवाहनाभ्यां
विरिञ्चिविष्ण्विन्द्रसुपूजिताभ्यां |
विभूतिपाटीरविलेपनाभ्यां
नमो नमः शङ्करपार्वतीभ्यां ‖ 3 ‖

या विश्वाद्य दंपतीचे वर्णन करतांना भगवान आदि शंकराचार्य स्वामी महाराज म्हणतात,
नमः शिवाभ्यां – परम कल्याणाची अधिष्ठान असणाऱ्या देवी पार्वती आणि भगवान शंकरांना नमस्कार असो.
वृषवाहनाभ्यां – जे वृषभ म्हणजे भगवान नंदीवर, विराजमान आहेत.
इथे एक मजेदार गंमत लक्षात घ्या. आई जगदंबेचे वाहन आहे सिंह. भगवान शंकराचे वाहन आहे नंदी. दोघांचे वेगवेगळे चित्र जेव्हा आपण पाहतो तेव्हा आईचे वाहन वेगळे असते. पण ज्यावेळी एकत्रित चित्र असते, म्हणजे दोघेही एकत्र असतात त्यावेळी वाहन भगवंताचे वापरले जाते.
दोघे मिळून सिंहावर बसलेली आहेत असे चित्रही आपल्याला मिळणार नाही.
( अर्थात ज्या वेळी दोघांना एकत्र जायचे असते ते त्यावेळी पतीचीच वाहन वापरले जाते. हा आपला देखील अनुभव या आद्य दंपती पर्यंत सारखा आहे.)
विरिञ्चिविष्ण्विन्द्रसुपूजिताभ्यां – विरंची म्हणजे भगवान ब्रह्मदेव, विष्णू म्हणजे भगवान श्रीहरी, इंद्र म्हणजे देवराज, इत्यादी समस्त ईश्वर महेश्वरांच्याद्वारे पूजन केले गेलेले,
अन्य समय दोघांचे एकरूपत्व असले तरी ज्यावेळी दोघांच्या शृंगाराचा अर्थात नटण्याचा विचार येतो त्यावेळी मात्र दोघांमध्ये दोन टोकाचे वर्णन पहावयास मिळते. ते वर्णन करताना आचार्यश्री शब्द वापरतात,
विभूतिपाटीरविलेपनाभ्यां – भगवान शंकर विभूती म्हणजे भस्म लावतात. तर देवी पार्वती पाटीर म्हणजे चंदनाचा लेप लावते. एक परम शृंगाराचे तर दुसरे परम वैराग्याचे प्रतीक.
नमो नमः शङ्करपार्वतीभ्यां – अशा दोन टोकांना असून देखील एकरूप असणाऱ्या भगवान शंकर आणि देवी पार्वतीला नमस्कार असो.

— प्रा. स्वानंद गजानन पुंड

प्रा. स्वानंद गजानन पुंड
About प्रा. स्वानंद गजानन पुंड 412 Articles
लोकमान्य टिळक महाविद्यालय वणी म्हणजे येथे संस्कृत विभाग प्रमुख रूपात कार्यरत. २१ ग्रंथात्मक श्रीगणेशोपासना ग्रंथमालेची लिम्का बुक ऑफ रिकार्ड मध्ये विक्रम रूपात नोंद. श्रीमुद्गलपुराण कथारूप आणि विश्लेषण ही ९ खंड १७०० वर पृष्ठांची ग्रंथमालिका. विविध धार्मिक ,शैक्षणिक, सामाजिक संस्थांमधून २१०० वर प्रवचन, व्याख्याने

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..