नवीन लेखन...

षष्ठ्याब्दीपूर्ती

काल रात्री स्वप्नात,
एन्ट्री घेतली बाप्पाने.
ठोके दिले बाराचे,
त्याचक्षणी घड्याळाने.
सोंड हलवत, मस्त झुलत –
माझ्याजवळ आला,
काय पहातोय मी?
विश्वासच बसेना झाला.
एकसष्ट मोदकांचं तबक –
होतं हाती त्याच्या,
बाप्पाच्या हातचे मोदक –
वाट्याला येणार कुणाच्या?
झटक्यात संपूर्ण ताटच त्याने –
माझ्यासमोर धरलं,
हातात घेऊन हात मला –
जिवेत शरदः शतम् म्हटलं.
खडबडून झालो जागा,
घामेजलं कपाळ पुसलं.
बाप्पाही झाला नाहीसा,
स्वप्नही तिथेच संपलं.
चटकन उठून स्नान करून –
पटकन सारं आवरलं.
एकसष्ट मोदकांचं ताट स्वप्नीचं –
हळुच मनात डोकावलं.
मनापासून हात जोडले –
Thank you म्हटलं त्याला.
आपत्तीपासून सांऱ्या बाप्पा –
निर्विघ्न कर तू आम्हाला.
तू सुखकर्ता, दुःखहर्ता तू –
बुद्धीची तू देवता,
भान हरपते नजर न हटते,
तुझे मुख पाहता.
स्तुती केली बाप्पाची अन-
खूप छान वाटलं,
साठ मोदकांनी भरलेलं ताट –
बाप्पासमोर ठेवलं.
डोळे मिटून हात जोडले –
अन नजर गेली चेहऱ्यावर,
चिकटलेले कण मोदकांचे –
दिसले त्याच्या तोंडावर.
प्रासादिक म्हणे,
— प्रसाद कुळकर्णी.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..