नवीन लेखन...

पोट भर

तो खातो म्हणून –
मी खातो,
हा खातो म्हणून –
तो खातो.

माझे दहा –
त्याचे दहा ,
त्यांचे वीस आणि –
साहेबांचे पन्नास.

प्रत्येकाचे वाटे –
नेमके ठरलेले ,
पोट ठेवायचे –
सतत भरलेले.

काम करायचंय तर –
खायला द्या ,
नाहीतर फेरी परत –
मारा उद्या.

पण उद्या मात्र आहे –
माझी रजा,
काम परवा तुमचं… –
झालंच समजा.

तसाही…बाहेरच आहे –
मी परवा ,
आणि…ऑफिस हाफ डे –
असणार तेरवा.

मग रविवार !
म्हणजे सोमवारीच या.

काय ?आताच आणलेयत –
खाण्याचे पुडे ?,
मग लगेच सरकेल फाईल –
सहीला पुढे.

अहो, वेळेचं काय ? –
अर्ध्या वाटेवरून येतील,
तुमचा पुडा –
घेऊनच परततील.

खाणं वेळच्या वेळी –
झालं ना ,
आणि पोट भरलेलं –
असलं ना,

तिथे प्रश्नच नसतो –
मग काहीच ,
अहो करायची तर असते –
फक्त सहीच.

पण तेच अनेकदा –
राहून जातं,
सहिशिवाय सारं –
गाडच अडतं.

म्हणून म्हणतो –
खाण्याचं पहा आधी ,
मग तुमच्याच कामाचं –
पाहू सर्वांआधी.

माझे दहा –
त्याचे दहा ,
त्यांचे वीस आणि –
साहेबांचे पन्नास.

काय म्हणता ???-
विषाणू पसरतोय ?,
काही कल्पना नाही –
अहो, वेळ कुठे मिळतोय ?

अहो, उदरभरण झालेलं –
असलं ना ,
मग हे विषाणू वगैरे –
कुठे येतय मनात, सांगा ना ?.

शेवटी काय ? तर ते –
तुडुंब भरणं महत्त्वाचं ,
सगळं ‘ त्या ठिकानी ‘ सोडून –
आपण शांत झोपायचं.

प्रासादिक म्हणे 

–प्रसाद कुळकर्णी

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..