नैनालाल किडवाई – भारतीय स्त्रिया – आर्थिक क्षेत्र

नैना लाल किडवाई यांचा जन्म १४ एप्रिल १९५७ रोजी एका पंजाबी कुटुंबात झाला.  किडवाई यांचे वडील सुरिंदर लाल एका विमा कंपनीचे सीईओ होते. किडवाई यांची आई थापर ग्रुप ऑफ कंपनीजचे संस्थापक करमचंद थापर यांची मुलगी होत्या.  नैनालाल  एक भारतीय बँकर, चार्टर्ड अकाउंटंट आणि बिझनेस एक्झिक्युटिव्ह आहेत. नैनालाल   एचएसबीसी इंडियाच्या ग्रुप जनरल मॅनेजर आणि कंट्री हेड होत्या.  त्या  फेडरेशन ऑफ इंडियन चेंबर्स ऑफ कॉमर्स अँड इंडस्ट्री (FICCI) च्या माजी अध्यक्षा देखील आहेत.  २०१५ मध्ये, किडवाई यांना पद्मश्री मिळाला.

शिक्षण

नैनालाल यांनी दिल्ली विद्यापीठातील महिला महाविद्यालय लेडी श्री राम कॉलेज फॉर वुमनमधून अर्थशास्त्रात पदवी घेतली आहे.  नंतर हार्वर्ड बिझनेस स्कूल (HBS) मध्ये मास्टर ऑफ बिझनेस अॅडमिनिस्ट्रेशन (MBA) करण्यासाठी गेल्या आणि १९८२ मध्ये पदवी प्राप्त केली.  किडवाई ह्या  HBS मधून पदवीधर होणाऱ्या  पहिल्या  भारतीय महिला  आहेत . त्या एक चार्टर्ड अकाउंटंट देखील आहेत.

करिअर

किडवाई यांची पहिली नोकरी प्राइस वॉटरहाऊसमध्ये होती, जी नंतर प्राइस वॉटरहाऊसकूपर्स (PwC) बनली. त्यांनी ANZ ग्रिंडलेजमध्ये सामील झाल्यावर बँकिंग उद्योगात प्रवेश केला, जिथे त्यांनी १९८२ ते १९९४ पर्यंत काम केले.  १९९४ ते २००२ पर्यंत, किडवाई यांनी मॉर्गन स्टॅनली इंडियामध्ये काम केले, जिथे १९९७ मध्ये त्यांना गुंतवणूक बँकिंगची प्रमुख देखील बनवण्यात आले.२००२ मध्ये, त्या एचएसबीसी सिक्युरिटीज अँड कॅपिटल मार्केट्समध्ये सामील झाल्या आणि कंपनीत असताना, किडवाई एचएसबीसी सिक्युरिटीज अँड कॅपिटल मार्केटच्या उपाध्यक्ष, व्यवस्थापकीय संचालक आणि भारतातील गुंतवणूक बँकिंगच्या प्रमुख झाल्या आणि २०१५ मध्ये निवृत्त झाल्या.  त्यानी  विमा, मालमत्ता व्यवस्थापन, सिक्युरिटीज अँड कॅपिटल मार्केट्स, सॉफ्टवेअर डेव्हलपमेंट आणि जागतिक सेवा केंद्रांसह देशाबाहेरच्या  एचएसबीसी इंडिया व्यवसायांचेही निरीक्षण केले आहे.

त्या मॅक्स फायनान्शियल सर्व्हिसेसच्या अध्यक्षा देखील राहिल्या आहेत. त्यांच्या  इतर पदांमध्ये नेस्ले एसए आणि अल्टिको कॅपिटल पार्टनर्सच्या बोर्डवर गैर-कार्यकारी संचालक, सिटी ऑफ लंडनच्या अॅडव्हायझरी कौन्सिल फॉर इंडियाच्या अध्यक्षा, हार्वर्ड बिझनेस स्कूलमध्ये ग्लोबल अॅडव्हायझर यांचा समावेश आहे.  त्या एनसीएईआरच्या गव्हर्निंग बोर्ड, कंट्रोलर अँड ऑडिटर जनरल ऑफ इंडियाच्या ऑडिट अॅडव्हायझरी बोर्ड आणि सीआयआय आणि एफआयसीसीआयच्या राष्ट्रीय कार्यकारी समितीवर आहेत. त्या नायरा एनर्जी (पूर्वी एस्सार ऑइल लिमिटेड) आणि बायोकॉनच्या स्वतंत्र संचालक आहेत.