नवीन लेखन...

काळं अधिवेशन

आज सकाळीच अंगणात त्यांची –
सभा भरली होती,
विषय बराच क्षुल्लक पण –
ज्वलंत असावा,
म्हणून चर्चाही रंगलेली होती.

सभापतींच्या बोलण्याकडे दुर्लक्षून –
मध्येच कुणी सभात्याग करत होते,
अन् तितक्याच वेगाने पुन्हा –
आसनस्थही होत होते.

तोंडाचा पट्टा मात्र सतत –
सुरू होता दोघांचा……
सत्ताधारी अन् विरोधकांचा.
घसा फोडून सांगत होते काहीतरी –
हुबेहूब आपल्या नेत्यांसारखे.
तसे दिसत होते सगळेच सारखे –
बाहेरून आणि आतूनही, तरी –
सत्ताधारी झुल पांघरलेले आणि –
विरोधकांची पांघरलेले कोण –
हे चटकन ओळखू मात्र येत होतं.
विरोधकांचं पारडं जड होऊ लागलं ,
अखेर प्रकरण हमरीतुमरीवर आलं.
दोघे तिघे टगे काकदार चाल करून गेले –
जराशा उंचावर बसलेल्या कावळ्यावर –
बहुधा सभापती असावा.

क्षुल्लक विषयावरचं सेशन –
बराच वेळ रंगवलं होतं दोघांनी.
मी ही मग घरात आलो –
घोषणा मात्र ऐकू येत होत्या –
एकाच साच्यातल्या,
बहुधा काकंत्रालयाच्या बाहेर –
पायऱ्यांवर बसून दिल्या जात असाव्या.
आवेश तोरा अन् दिखाऊपण मात्र –
अगदी तस्संच होतं.

थोड्याच वेळात सेशन संपुष्टात आलं,
दोघांचीही नेमकी छायाचित्र –
मिळाली असावीत बहुधा.
पुढच्याच काही क्षणात, टुणटुणत –
एका मेल्या उंदराच्या मेजवानीवर दोघेही –
हसत कावकावत चोचीने ताव मारत होते…..
सत्ताधारी अन् विरोधकही…….

प्रासादिक म्हणे
प्रसाद कुळकर्णी.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..