चांदणफुले !

Image © Prakash Pitkar

काल दिवसभर भुरभुर पाऊस पडत होता …. वातावरण जुलैमध्ये असतं अगदी तसंच होतं …. आम्ही आमच्या एका स्नेह्याच्या शेतावर गेलो होतो …. कर्जत जवळ … आजूबाजूला गच्च रान …. शांतता आणि अर्थात सगळीकडे पिवळी ….गुलाबी … जांभळी चिमुकली रानफुलं चांदण्यांसारखी सुंदर फुललेली … या भुरभुरत्या पावसात मस्त डोलणारी …. चिमुकली म्हणजे किती …. तर आपल्या हाताच्या करंगळीच्या नखाएवढी चिमुकली … त्यांना बघून मी बऱ्याच दिवसांनी मॅक्रो लेन्स बाहेर काढली …. खरं तर भुरभुरता का होईना पाऊस सतत होताच … आणि पावसात फोटो काढणं … ते ही मॅक्रो लेन्सने म्हणजे कठीणच काम होतं … पावसाचा एक थेंब सुद्धा कॅमेऱ्यासाठी धोकादायक …. पण कॅमेऱ्यावर नॅपकिन ठेवला … कोणीतरी वर छत्री धरली आणि माझी ही लेन्स या फुलांशी थोडी बोलली …. पावसामुळे फार आणि नीट बोलणं झालं नाही …. पण अर्थात खूप आनंद मात्र मिळाला …..

इथे तरंगत ही फूलपाखरे फिरती
तिथे तळ्यात निळ्या शुभ्र पंख थर्थरती ….

कुठे सुरावटशी लाल पालवी फुटते
कुठे उन्हात झरे सैल सैल पाझरती ….

हरेक झाड इथे घेउनी निमंत्रण ये
फुले सुवास असा गर्द गर्द अंथरती ….

कळे न साद कुणी घातली कुठून अशी
मनात सूर असा फेर कोवळा धरती ….

मुळी न मेघ कुठे एकही नभात दिसे
परी सरी कुठून आत आत या झरती ?

मला न अर्थ कळे : ही लिपी अगम्य अशी
तरीहि शब्द उरी कां अबोध झंकारती …..

– कविवर्य मंगेश पाडगावकर

— प्रकाश पिटकर 

 

प्रकाश पिटकर
About प्रकाश पिटकर 36 Articles
मी आय.डी.बी.आय. बँकेत गेली ३४ वर्ष नोकरी करतोय. सध्या AGM म्हणून हैदराबाद इथे पोस्टेड आहे. मला ट्रेकिंग, फोटोग्राफी, प्रवास, दूरवरचे स्वतः वाहन चालवत प्रवास, वाचन अशा आवडी आहेत. मी गेली सतरा वर्ष महाराष्ट्र टाइम्सचा फ्री लान्स कॉलमनिस्ट आहे. माझे आता पर्यंत सहज दोन हजाराच्यावर लेख प्रसिद्ध झाले आहेत. मी मुख्यतः ठाण्याचा रहिवासी आहे. प्रवास वर्णन, व्यक्ती-संस्था चित्र, ऐतिहासिक वास्तू, निसर्गातले अनेक विषय.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…