नवीन लेखन...

ये कहाँ आ गए हम !

सक्काळी दार उघडलं आणि अतिथी गृहाच्या दारातील झाड खाली झुकून म्हणालं – ” हाती येतील तेवढी फुले खुशाल खुडून घे. वृथा उड्या बिड्या मारून उंचावरची तोडायचा प्रयत्न करू नकोस. ती राहू दे माझ्या अंगावर ! थोडं फुललेलं झाड छान दिसतं मग दिवसभर ! ”

गेटवरच्या वॉचमनने हसून स्वागत केले आणि अदबीने बॅरिकेड वर केलं. मीही त्याला ” काय म्हणतंय धुकं आणि थंडीची रात्र कशी गेली ? ” असं विचारलं. त्याने होकारात मान हलवली.

समोर अथांग पसरलेला विद्यापीठीय रस्ता कॅमेऱ्याला खुणावून गेला. त्याचे निमंत्रण मग मी कैद केले. बाहेरच्या हवेत गारवा बऱ्यापैकी शिरशिरत होता. मी आपला “कभी-कभी ” आणि “सिलसिला ” मधील अमिताभने दिलेला पॉलीनेक घालून प्रभातीचे चालणे सुरु केले. दूरवर कोवळं सूर्यबिंब झाडाच्या फांदीला लोंबकळत होतं. मनात मात्र –

मैं और मेरी तन्हाई, अक्सर ये बातें करते हैं
तुम होती तो कैसा होता, तुम ये कहती, तुम वो कहती
तुम इस बात पे हैरां होती, तुम उस बात पे कितनी हँसती
तुम होती तो ऐसा होता, तुम होती तो वैसा होता
मैं और मेरी तन्हाई, अक्सर ये बातें करते हैं I
सुरु होतं.

ती मात्र तिकडे “चला, प्रभातीची चाल नेमाने सुरु ठेवलीय तर ” म्हणत किंचित आश्वस्त !

यूँही अकेले चलते चलते “पंढरपुरी चहावाल्याकडे” हॉल्ट घेतला.

परतताना सकाळपासून निर्हेतुक बरसणारे दव जगरहाटीनुसार हळूहळू वाढत्या सूर्यप्रकाशात दिसेनासे झाले पण मनात जाऊन दडले.

— डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..