नवीन लेखन...

वेदसारशिवस्तोत्रम् – २

महेशं सुरेशं सुरारार्तिनाशं
विभुं विश्वनाथं विभूत्यंगभूषम्।
विरूपाक्षमिन्द्वर्कवह्नित्रिनेत्रं
सदानन्दमीडे प्रभुं पंचवक्त्रम्।।२।।

भगवान शंकरांच्या पंचतुंड स्वरूपाला जगद्गुरु आद्य शंकराचार्य स्वामी महाराज वंदन करीत आहेत.
महेशं – सर्व देवतां मधील सर्व श्रेष्ठ.
सुरेशं – सुर म्हणजे देवता त्यांचे स्वामी. देवांचेही देव. पूज्यांचेही पूज्य.
सुरारार्तिनाशं – सुर म्हणजे देवता. त्यांचे आर्ती म्हणजे दुःख. कळवळून केलेली प्रार्थना म्हणजे आर्त. समोरच्याचे दुःख पाहून आपल्या मनाला होत असलेल्या वेदना म्हणजे आर्त. देवतांचे असे आर्त दूर करणारे. देवतां वरील सर्व संकटांचे निवारण करणारे.
विभुं – परम व्यापक. सर्वव्यापी.
विश्वनाथं – संपूर्ण चराचर ब्रह्मांडाचे स्वामी
विभूत्यंगभूषम् – विभूती अर्थात भस्माने ज्यांचे शरीर शोभून दिसते असे. वास्तविक सर्व संपल्या नंतर उरते ते भस्म. ते भस्म ज्यांचे आवरण आहे. त्वचेचाही बाहेरचा भाग आहे असे. अर्थात सर्व संपल्यावर ज्यांचे अस्तित्व सुरू होते असे.
विरूपाक्षम् – सामान्य माणसाला दोन डोळे असतात. त्याचे रूप तसेच असते. मात्र भगवान शंकरांना तिसरा डोळा असल्यामुळे त्यांना विशेष रूप युक्त डोळ्यांचे, या अर्थाने विरुपाक्ष म्हणतात.
इन्द्वर्कवह्नित्रिनेत्रं- चंद्र सूर्य आणि अग्नी भगवान शंकरांचे तीन नेत्र आहेत.
सदानन्दमीडे – अशा सदैव आनंदी असणाऱ्या भगवान सदानंदांचे मी ध्यान करतो.
प्रभुं पंचवक्त्रम् – हे प्रभू पाच मुखाचे आहेत. बाहेरच्या चार दिशातील सर्व ज्ञानांसह अन्तर्ज्ञानाचे प्रतीक आहे ते पाचवे मुख.

प्रा. स्वानंद गजानन पुंड
About प्रा. स्वानंद गजानन पुंड 315 Articles
लोकमान्य टिळक महाविद्यालय वणी म्हणजे येथे संस्कृत विभाग प्रमुख रूपात कार्यरत. २१ ग्रंथात्मक श्रीगणेशोपासना ग्रंथमालेची लिम्का बुक ऑफ रिकार्ड मध्ये विक्रम रूपात नोंद. श्रीमुद्गलपुराण कथारूप आणि विश्लेषण ही ९ खंड १७०० वर पृष्ठांची ग्रंथमालिका. विविध धार्मिक ,शैक्षणिक, सामाजिक संस्थांमधून २१०० वर प्रवचन, व्याख्याने

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..