नवीन लेखन...

इंडोनेशियाचे दुसरे राष्ट्राध्यक्ष सुहार्तो

 

इंडोनेशियाचे दुसरे राष्ट्राध्यक्ष सुहार्तो यांचा जन्म ८ जून १९२१ रोजी जावा बेटावर झाला.

इंडोनेशियाची सत्ता १९६६ ते १९९८ अशी ३२ वर्षे मुठीत ठेवणारे हुकूमशहा सुहार्तो यांचा २०व्या शतकातल्या सर्वाधिक भ्रष्ट व क्रूर नेत्यांच्या पंक्तीत यांचा क्रम वरचा आहे. पण देशाला त्यांनी आथिर्क प्रगतीच्या वाटेवर नेले.आपला देश डचांच्या अधिपत्याखाली असताना ‘रॉयल नेदरलँडस आर्मीत त्यांनी सार्जंट म्हणून नोकरी केली, मग १९४२ मध्ये जपान प्रणित उठावात सहभाग घेतलाआणि देश स्वतंत्र झाल्यावर पुन्हा सैन्यात अधिकारीपदावर नोकरी केली, इथवरचा सुहार्तो यांचा प्रवास साधाच होता. पण १९६५ मध्ये कम्युनिस्ट राजवटीविरुद्ध त्यांनी केलेल्या उठावाने जग ढवळले. इंडोनेशियाच्या जनतेने १९९७ मध्ये मोठा उठाव करून, वर्षभर संघर्ष वाढता ठेवून सुहार्तो यांना पायउतार होण्यास भाग पाडले. पण १९६५ ते ६८ या काळात कम्युनिस्टांचे सरकार सुहार्तोंनी लष्कराच्या बळावर उलथवले, तेव्हा तब्बल आठ लाख कम्युनिस्ट कार्यकर्ते वा समर्थकांना त्यांनी ठार मारले. त्यानंतरही पूर्व तिमूर, पापुआ व असेह भाग आपल्याच टाचेखाली ठेवण्यासाठी सुहार्तो यांनी लष्कराकरवी किमान तीन लाख जणांचे शिरकाण केले.

राजकीय कत्तली करताना आथिर्क बाजू मात्र त्यांनी उत्तमपणे सावरली. ‘आथिर्क प्रगतीचा मलिदा सुहार्तो आणि त्यांच्या बगलबच्च्यांनीच खाल्ला. सहकाऱ्यांच्या भ्रष्टाचाराला त्यांनी अभयच दिले’, असे अभ्यासक सांगतात. पदच्युत व्हावे लागल्यानंतर सुहार्तो यांनी कातडीबचाऊपणाची हद्द गाठत कधी प्रकृती अस्वास्थाचे कारण देऊन, तर कधी पुरावेच मिळू न देता स्वत:वरील एकाही आरोपाच्या खटल्याला सामोरे जाणे टाळले.

सुहार्तो यांचे निधन २७ जानेवारी २००८ रोजी झाले.

— संजीव वेलणकर.

९४२२३०१७३३

पुणे.

संजीव वेलणकर
About संजीव वेलणकर 3837 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*


 

महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..