नवीन लेखन...

शिक्षणाचं वाटोळं, online झालंय

शिक्षणाचं वाटोळं, online झालंय.
गेटचाच उडालाय रंग आणि –
गंजून कराकरा वाजायला लागलय ,
सताड उघडून पडणच संपलय,
कारण शिक्षणाचं वाटोळं –
online झालंय.
वॉचमनकाकांच्या दंडुक्याला, न उरलय काम,
पोरं नाही मस्ती नाही, न नोकरीत राम.
दटावणं रागावणं संपूनच गेलंय ,
कारण शिक्षणाचं वाटोळं –
online झालंय.
जिन्याला-मैदानाला पोरांची आस,
अंगाखांद्यावर खेळवणं हाच त्यांचा ध्यास.
एकटेपणाचं दुःख नेमकं, आता उमगलय,
कारण शिक्षणाचं वाटोळं –
online झालंय.
प्रयोग-वाचन नाही, बुकं कडीकुलपात बसलीयत,
काचेच्या कपाटातून , दाटीवाटीने घुसलीयत.
त्या सांगाड्यालाही जिणं, असह्य होऊन गेलंय,
कारण शिक्षणाचं वाटोळं –
online झालंय.
शाळा भरणं, तास संपणं आता नाही काही,
मधली सुट्टी, शाळा सुटली घणघणतच नाही.
शिपाईदादाशी घंटेचं नातंच हरवून गेलय,
कारण शिक्षणाचं वाटोळं –
online झालंय.
पन्नास बाकं आम्ही, पडलोय आपले धूळ खात,
सकाळ होताच आशेने, दाराकडे असतो पहात.
दफ्तरं नाही, मुलं नाहीत जगायचं कसं?झालंय,
कारण शिक्षणाचं वाटोळं –
online झालंय.
गृहपाठ-खोड्या, मस्ती आणि शिकवणी ,
तिमाही-सहामाही, परीक्षा अन तपासणी .
समोरासमोर शिकवण्याचं समाधानच सरलय ,
कारण शिक्षणाचं वाटोळं –
online झालंय.
आमचा विचार सांगतो, कुणीच करेना झालंय,
शाळा नाही, मित्र नाही कंटाळवाणं खूप होतंय
घरात बसून मन मात्र, अगदी कोंडून गेलंय ,
कारण आमच्या शिक्षणाचं वाटोळं –
online झालंय.
wfh सांभाळत यांचं online पहायचं ,
कधी?कधी? हे सुरळीत, सांगा सगळं व्हायचं ?
मुलांच्या आयुष्याचं तुम्ही, काय करायचं ठरवलंय?
‘परिक्षेशिवाय पास’ हे त्यांनाही आवडू लागलंय ,
कारण शिक्षणाचं वाटोळं –
online झालंय.
कारण शिक्षणाचं वाटोळं, online झालंय.
प्रासादिक म्हणे 
— प्रसाद कुळकर्णी.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..