नवीन लेखन...

नारायण भंडारीचं काय झालं – भाग ३

नारायण प्रचंड व्यस्त होता .
त्याला इकडे तिकडे बघायला वेळ मिळत नव्हता .
सभोवताली गर्दी .
सगळीकडे दुकाने , टपऱ्या आणि फेरीवाले .
प्रत्येकाच्या दुकानात ,टपऱ्यात , वेगवेगळा माल होता .
दुनियेतील कुठलीही वस्तू तिथे सहज उपलब्ध होती .
सगळ्या प्रकारची शस्त्र , दारुगोळा , रिव्हॉल्व्हर्स , जैविक अस्त्र , ऍसिडस .

एका दुकानात फेक न्यूज विक्रीला ठेवल्या होत्या . एका टपरीवर चहाबरोबर वेबसिरीज च्या सीडीज फुकट वाटायला ठेवल्या होत्या .
अनेक दुकानात गुन्हेगारांची चरित्रं आणि त्यांच्या गॉडफादर्सची गोपनीय माहिती विक्रीसाठी होती. फेरीवाल्यांच्या टोपल्यात दुनियेतील सगळ्या प्रकारच्या व्यसनांच्या गोळ्या, पुड्या, हुक्के आणि अत्याधुनिक ड्रग्स उपलब्ध होती.

कोपऱ्यातल्या एका टपरीत राजकीय नेत्यांना लागणारे ट्रेंड आणि गुन्हेगारी पार्श्वभूमी असणारे कार्यकर्ते विक्रीसाठी उपलब्ध होते .
अगदी दर्शनी भागातल्या पॉश टपरीत विविध देशातील करन्सी , गरजेनुसार तयार करून मिळणारे पासपोर्ट उपलब्ध होते .

सगळ्या दुकानात गर्दी ओसंडून वाहत होती .

तिथेच जराशा एका बाजूला नारायण आपलं दुकान थाटून बसला होता .
अगदी वेगळं होतं त्याचं दुकान .
नावसुद्धा वेगळं होतं.
टेन्शन विक्री केंद्र

येथे टेन्शन विकत मिळेल .

त्या वेगळ्या नावामुळं त्याच्याकडे गर्दी वाढत होती .
गर्दी त्याच्याकडे , त्याच्या बोलण्याकडे कुतुहलानं पाहत होती , ऐकत होती …

” आमच्याकडे खात्रीने कोरोना टेस्ट पॉझिटिव्ह करून मिळेल .

पाच मिनिटात चौदा जणांच्या टेस्ट .

जे प्रामाणिक असतील त्यांना संध्याकाळपर्यंत पॉझिटिव्ह चा रिपोर्ट मिळेल .

होमक्वरनटाईन झाल्यास स्पेशल डॉक्टर . फी 10000 रुपये .
रक्त लघवी थुंकी आणि गरज असो नसो , सगळ्या चाचण्या कराव्या लागतील . त्याचे 20000 रुपये .

सतरा दिवस टेन्शन मिळेल . त्यासाठी कुणी ना कुणी चेकिंगला येईल , फोन करेल , झोन वेगळा करण्यात येईल , सतत लक्ष ठेवण्यात येईल , पोलीस बाहेर थांबतील अशा धमक्या मोफत मिळतील .
लिमलेटची गोळी मिळाली तरी औषध समजून घ्यावी लागेल .
नोकरीला जाता येणार नाही .
घरातल्या घरात एकांतवास दिला जाईल .
मंत्र्यांनी सांगितले म्हणून कोरोना टेस्ट पॉझिटिव्ह केल्या अशा अंधश्रद्धा पसरवणाऱ्याला बंगल्यावर नेऊन अंधश्रद्धा दूर केली जाईल .

– आणि सतरा दिवसानंतर तुमची टेस्ट निगेटिव्ह होती , चुकून तुम्हाला पॉझिटिव्ह रिपोर्ट दिला असं बजावण्यात येईल .
त्याविरुद्ध काही बोलल्यास टेस्ट पुन्हा पॉझिटिव्ह करू अशी प्रेमळ आशा दाखवली जाईल .

दरम्यान तुमचे हजारो रुपये कुठेतरी हरवले असे समजा आणि त्यानिमित्ताने विश्रांती मिळाली म्हणून शासनाचे आभार माना असे सुचवण्यात येईल .

इतक्या सगळ्या गोष्टीतून टेन्शन नक्की मिळेल , त्यासाठी तुम्ही फक्त आमची फी भरा .

असं आणि इतकं नारायण सांगत होता .
लोक ऐकत होते .
न्यूज चॅनलवर कोरोना बाधितांचे आकडे वाढल्याच्याच फक्त बातम्या येत होत्या .

आणि त्या पसरवण्यात नारायणाचा हात आहे हे लक्षात आल्यावर सगळ्या व्यवस्था नारायणाच्याच पाठीशी हात धुवून मागे लागल्या होत्या .

आणि नारायण बिच्चारा आपल्या वाट्याला आलेला मनःस्ताप घेऊन , दुकान सोडून सैरावैरा पळू लागला होता .

निगेटिव्ह असूनही कोरोनाचा पॉझिटिव्ह रिपोर्ट मिळाल्यानं अक्कलखाती गेलेले लाखो रुपये कुठे गेले हे तो सध्या शोधतोय .
आपली मानसिक शांतता कुठे हरवली आहे हे तो शोधतोय .
आणि पळता पळता मुर्दाड व्यवस्थेचा मारही खातोय .

तुम्हाला कुठे दिसला तर सांत्वन करा .

मास्क लावा .
सामाजिक अंतर ठेवा .
हात सतत धुवा .
आणि मनातल्या नारायणाला सांभाळा .
( क्रमशः )

( पूर्णतः काल्पनिक . यातील घटना प्रसंगाचा वास्तवाशी कोणताही संबंध नाही . तसा तो आढळला तर तो योगायोग समजावा .)

— डॉ. श्रीकृष्ण जोशी
———–
ही सोमि सिरीज ( सोशल मिडिया सिरीज ) नावासह सर्वत्र पाठवायला हरकत नाही.

डॉ. श्रीकृष्ण जोशी
About डॉ. श्रीकृष्ण जोशी 109 Articles
डॉ.श्रीकृष्ण जोशी यांचे प्रकाशित साहित्य कादंबरी : 1 शेम्बी, 2 घसरण, 3 महाराज, 4 घर दोघांचे, 5 अगतिक, 6 नंतर , 7 शल्य, 8 शापित, 9 तुझ्याशिवाय, 10 काटशह, 11 कातळ, 12 अथांग, 13 मार्शीलन, 14 समांतर, 15 वादळ वेणा, 16 भोवरा, 17 ब्रेकिंग न्यूज, 18 कापूस आणि फॅनची गोष्ट(आगामी), 19 सापशिडी,फासे आणि काही सोंगट्या (आगामी ) दीर्घकथा संग्रह: 1 रानोमाळ, 2 रानवा संगीत नाटक : 1 सं. शांतिब्रह्म, 2 घन अमृताचा, 3 राधामानस, 4 ऎश्वर्यावती, 5 ऋणानुबंध, 6 स्वरयात्री, 7 चोखा मेळा गद्य नाटक: 1 चिनुचं घर, 2 स्वप्नपक्षी, 3 अरे, चल उचल काव्यसंग्रह: 1 खडूचे अभंग, 2 क्रांतिज्वाला ललित लेख: (आगामी) 1 रौद्रलेणी, 2 पडघम, 3 शब्दांच्या पलीकडे कथासंग्रह:(आगामी ) 1 ड्रॉवर, 2 चंद्रखुणा बाल वाङ्मय: 1 अपूर्वा, 2 गोष्टीरूप चाणक्य, 3 सरदार वल्लभभाई पटेल(आगामी ) संपादन : 1 मुद्रा (प्रातिनिधिक कथासंग्रह) 2 व्हिजिट बॅग, 3 पॅनोरमा पारितोषिके: 1 डेथ ऑफ कॉमन सेन्स या नभोनाट्याला अखिल भारतीय आकाशवाणीच्या नभोनाट्य लेखन स्पर्धेत संपूर्ण भारतातून प्रथम क्रमांक, नभोनाट्याचे 14 भारतीय भाषांमध्ये भाषांतर, 2 दिल्ली येथील स्पर्धेत 'सं. घन अमृताचा ' या नाटकाला लेखनाचे प्रथम पारितोषिक 3 सं. ऎश्वर्यावती आणि सं.ऋणानुबंध या नाटकांना अनुक्रमे द्वितीय आणि विशेष पारितोषिक उल्लेखनीय : * पावस येथील स्वामी स्वरूपानंद तीर्थराज विधी आणि स्वामी स्वरूपानंद जन्मसोहळा या सीडींसाठी पटकथा लेखन * सं. घन अमृताचा, सं. शांतिब्रह्म, सं. ऎश्वर्यवती या तीन संगीत नाटकांचे आकाशवाणीच्या महाराष्ट्रातील सर्व केंद्रावरून प्रसारण * क्रांतिसूर्य सावरकर आणि कातळ या मालिकांचे आकाशवाणीवरून प्रत्येकी 13 भागांचे लेखन आणि प्रसारण *आकाशवाणी वरून 20 श्रुतिका प्रसारित * समांतर कादंबरी, नॅशनल असोसिएशन फॉर ब्लाइंड या संस्थेमार्फत अंध बांधवांसाठी कॅसेट च्या माध्यमातून प्रकाशित * अंध बांधवांसाठी , स्वामी स्वरूपानंद यांचे ब्रेल लिपीतील चरित्र लेखन पुरस्कार 1 'शापित ' कादंबरीला कोकण मराठी साहित्य परिषदेचा पुरस्कार 2 'शल्य ' कादंबरीला कुसुमताई अभ्यंकर पुरस्कार 3 'शल्य ' कादंबरीला कै. र.वा.दिघे पुरस्कार 4 'कातळ ' कादंबरीला कै. र.वा.दिघे पुरस्कार 5 अखिल भारतीय मराठी नाट्य परिषद मुंबई यांचा 1998 साठी , स्वरराज छोटा गंधर्व पुरस्कार 6 सं. घन अमृताचा हे नाटक , राज्य नाट्यस्पर्धेत सर्वप्रथम 7 सन 2000 मध्ये सर्वोत्कृष्ट संगीत नाटककार आणि सर्वोत्कृष्ट गीतकार म्हणून नाट्यपरिषदेचा गुणगौरव पुरस्कार 8 सन 2002 मध्ये सं. शांतिब्रह्म हे नाटक राज्य नाट्यस्पर्धेत सर्वप्रथम 9 मुंबई येथील साहित्य संघ मंदिराचा , कै. अ. ना.भालेराव पुरस्कार 10 संगीत नाट्यलेखानासाठी , कै. पु.भ.भावे पुरस्कार 11 समांतर कादंबरीला रोटरी पुणे यांचा सर्वोत्कृष्ट कादंबरी म्हणून पुरस्कार 12 सन 2006 मध्ये राधा मानस , राज्य नाट्य स्पर्धेत राज्यात द्वितीय तर दिल्लीत प्रथम 13 त्रिदल या संगीत नाटकाच्या पुस्तकासाठी 2007-08 चा महाराष्ट्र शासनाचा कुसुमाग्रज पुरस्कार 14 आदर्श शिक्षक पुरस्कार 15 पुणे येथील बाल गंधर्व संगीत मंडळाचा कै. अण्णासाहेब किर्लोस्कर पुरस्कार 16 वुमेन्स फाउंडेशन कोल्हापूर या संस्थेचा साहित्य भूषण पुरस्कार.... हा माझा अल्प असा परिचय ...!!!

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..