नवीन लेखन...

‘मासिक मनोरंजन’चा पहिला मराठी दिवाळी अंक प्रसिद्ध करणारे का. र. मित्र

१९०९ साली ‘मासिक मनोरंजन’चा पहिला मराठी दिवाळी अंक प्रसिद्ध करून मुहूर्तमेढ रोवणारे का र मित्र उर्फ काशिनाथ रघुनाथ आजगावकर जन्म २ नोव्हेंबर १८७१ रोजी आजगावमध्ये यांचा झाला.

काशिनाथ रघुनाथ आजगावकर यांना बंगाली भाषा उत्तम येत होती आणि बंगाली संस्कृतीची चांगली माहिती होती. ते बंगाली साहित्याचे अनुवादक होते. त्यांनी १८९५ साली ‘मासिक मनोरंजन’ सुरू केलं आणि पुढे १९०९ साली ‘मासिक मनोरंजन’चा पहिला मराठी दिवाळी अंक काढला होता. काशिनाथ रघुनाथ आजगावकर हे त्यांचे मूळ नाव. बंगाली भाषेवरील प्रेमापोटी त्यांनी ‘मित्र’ हे आडनाव लावायला सुरुवात केली. त्यांनी मुद्दाम बंगाली वाटणारं असं ‘मित्र’ हे आडनाव घेतलं होतं आणि त्याच आडनावाने ते पुढे ओळखले गेले. त्यांच्या एका मित्राने लंडनमध्ये ख्रिसमस मध्ये निघणाऱ्या ‘टाइम्स लिटररी सप्लिमेंट’ त्यांना दाखवली. इंग्लिश मासिकांचा ख्रिसमस स्पेशल दिवाळी अंक असतो, तसाच मराठीत असावा आणि बंगाली संस्कृतीतही तशी परंपरा होती म्हणून त्यांनी मराठीत दिवाळी अंक काढायचं ठरवलं आणि १९३५ पर्यंत नेटाने तो अंक चालू ठेवला.

त्यांनी कविता, गोष्टी, कादंबऱ्या, विनोद, अध्यात्म, साहित्य समालोचन, काव्यचर्चा अशा विविध प्रकारचा मजकूर ‘मासिक मनोरंजन’मधून प्रसिद्ध करायला सुरुवात केली होती. राम गणेश गडकरी, श्रीपाद कृष्ण कोल्हटकर, केशवसुत, काशीबाई कानिटकर, वा. व. पटवर्धन, गो. चिं. भाटे असे अनेक साहित्यिक त्यांनी जोडले होते.

वंगजागृति, धाकट्या सूनबाई, मृणालिनी, प्रियंवदा, लक्ष्मणमूर्च्छा, रामविलाप, गरीब बिचारी यमुना, ही रामाची अयोध्या, बाळंतपण असं त्यांचं लेखन प्रसिद्ध आहे.

काशिनाथ रघुनाथ आजगावकर यांचे २३ जून १९२० रोजी निधन झाले.

संजीव वेलणकर
About संजीव वेलणकर 4222 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..