दिव्य शक्ति

व्याकूळ झाला जीव प्रभू तुझ्या दर्शना
अर्पितो मी भाव तुझीया चरणा //१//

तेजांत लपले तुझे दिव्य स्वरुप
नयना न जमले टिपण्या ते रुप //२//

निनादाच्या स्वरी तुच आहेस संगीत
कर्ण अवलोकन न करी ऐकण्या तुझे गीत //३//

पुष्पातील सुवास तुंच आहेस सुगंध
न येई घ्राणेद्रियास ओळखता तो आनंद //४//

मधुर रसाची फळे सर्वात तु बसलास
जिव्हेला मात्र न कळे तुझा सहवास //५//

स्पर्शांत आहेस तूं माझ्या अवती भवती
समज न येई परंतु तुझी अस्तित्व शक्ति //६//

इंद्रिये असमर्थ असूनी न शोधती तुला
ये मानव रुप घेऊन दर्शन देई मजला //७//

अथवा दे मजलागी अपूर्व दिव्य शक्ति
समरस व्हावे तुझ्यांत हिच माझी विनंती //८//

डॉ. भगवान नागापूरकर
9004079850
bknagapurkar@gmail.com

— डॉ. भगवान नागापूरकर