सतरंजी आणि सतरंगी ते अतरंगी व्हाया चपटी !

ह्ये काय नाव हाय व्हय, असा इचार तुमच्या मणात आला आसल तर पार इस्कटून इस्कटून सांगा आसं बी म्हनल  कुनी. तर त्ये खरंय बगा .
सतरंजी म्हंजे बसायचं काय तरी असनार.
सतरंगी म्हंजे अशीच आपली बारा गावची , सतरा डोसक्याची , कोन नाय कोनचं नि डाल भात लोनचं वाली .
अतरंगी म्हंजे तोंडावर गोगल , तोंडात मावा आणि आख्या माणव देहाची वळख करून देनारी शिवराळ भाषा .
आता चपटी म्हंजे 🥃 ह्ये असं कायतरी असनार असं वाटनार तुमास्नी .
पण…

पण ह्यातलं काहीही नाही . मग ह्या पोस्टला असं शीर्षक का दिलं ?
तर दोन कारणांनी …

एक म्हणजे अनेक जण आल्याआल्या पुढं ढकलतात . दुसरं म्हणजे काही जण बारकाईनं वाचतात . आता असं एखादं शीर्षक दिलं की सगळेच वाचतात .म्हणून हा खटाटोप .
तर चला पुढं जाऊया …
आता आपल्याला दोन प्रकारचे गट वाचायला मिळतील . निष्ठावान समर्थक आणि दुहेरी , तिहेरी वा जास्त पक्षांतरे करणारे त्यागी निष्ठावान समर्थक (त्यागी म्हणजे पूर्वीच्या पक्षावरची निष्ठा त्यागणारे ).

१  निस
२  त्यानिस
स्थळ : मतं मागण्यासाठी (अर्थात लोकशाही जिवंत ठेवण्यासाठी हे त्यात अध्याहृत .) मतदाराच्या घरी .
निस : नम्र भाव , हाती पक्षाने दिलेलं प्रचार साहित्य . घरातल्या सर्वांची आपुलकीने चौकशी . समस्या नोंदवून घेण्याची लगबग . उमेदवार आला नाही तरी आम्ही आहोत , मत नाही दिलं तरीही आम्ही तुमच्या सोबत आहोत , ही मनापासूनची ग्वाही .
काळ बदलला आहे.
त्यानिस : मग्रुरी , हातातली स्लिप अंगावर फेकून मत देण्याची धमकी , नाही दिल मत तर बघून घेऊ ,ची फोडणी , घरातल्या कर्त्या माणसाला पाचशे ची नोट देऊन दोन हजार दिल्याची नोंद आणि उमेदवार निवडून आले नाहीतर हे पैसे व्याजासह वसुल करण्याची, रिव्हॉल्व्हर कुरवाळत दिलेली धमकी .
स्थळ : उमेदवाराचे
निस : नम्रपणानं दिवसभराचा वृत्तांतकथन, उद्याच्या नियोजनाची तयारी , रात्री खूप उशिरा घरी जेवायला जाण्याची मानसिकता .
त्यानिस :  वाटपात पैसे कमी पडल्याची तक्रार,  जेवणावळी घालायला हव्यात त्याशिवाय मतदार तयार नाहीत हा आग्रह , मटण , दारू आणि न वाटलेल्या रकमेचे नेत्याच्या नकळत समान वाटप .
स्थळ : निवडणुकीनंतर श्रमपरिहार
निस : घरून आणलेल्या पुऱ्या वा पोळ्या , बटाट्याची भाजी , प्रचार काळातील अनुभव कथन , समस्या सोडवण्यासाठी प्रयत्न करण्याची आग्रही मागणी , आत्यंतिक मानसिक समाधान .
त्यानिस : बरेचसे दारूत आकंठ बुडालेले , मटण खातोय की हाडं चघळतोय की दगड चावतोय याची शुद्ध नाही . काही लोळतायत , समोर आयटम नाचत्येय . आता आपला नेता पक्षाला गुंडाळून कसा ठेवील , यावर बेटिंग . हजारो रुपयांच्या थैल्या केव्हा मिळतात याची वाट बघण्यात वेळ जातोय . आपला नेता आता कोणती नवी गाडी घेणार , कुणाला अडवणार , कुणाची जिरवणार , कुणाला खुन्नस देणार याची खमंग चर्चा लडबडत्या स्वरात आणि हलत्या डुलत्या अनुयायात सुरू .
निवडून आलेला नेता एव्हाना मंत्रिपदाच्या शर्यतीत राजधानीकडे सुसाट निघालेला . अर्थात त्याला खिशात असलेल्या चपटी ची सखोल जाणीव आहेच .
हुश्य ! तूर्तास इतकंच .
आता तुम्हालाही अनुभव असेलच म्हणा. अहो मग लिहा ना, आम्हालाही वाचायला आवडेल की …
— डॉ. श्रीकृष्ण जोशी
रत्नागिरी
Avatar
About डॉ. श्रीकृष्ण जोशी 6 Articles
डॉ.श्रीकृष्ण जोशी यांचे प्रकाशित साहित्य कादंबरी : 1 शेम्बी, 2 घसरण, 3 महाराज, 4 घर दोघांचे, 5 अगतिक, 6 नंतर , 7 शल्य, 8 शापित, 9 तुझ्याशिवाय, 10 काटशह, 11 कातळ, 12 अथांग, 13 मार्शीलन, 14 समांतर, 15 वादळ वेणा, 16 भोवरा, 17 ब्रेकिंग न्यूज, 18 कापूस आणि फॅनची गोष्ट(आगामी), 19 सापशिडी,फासे आणि काही सोंगट्या (आगामी ) दीर्घकथा संग्रह: 1 रानोमाळ, 2 रानवा संगीत नाटक : 1 सं. शांतिब्रह्म, 2 घन अमृताचा, 3 राधामानस, 4 ऎश्वर्यावती, 5 ऋणानुबंध, 6 स्वरयात्री, 7 चोखा मेळा गद्य नाटक: 1 चिनुचं घर, 2 स्वप्नपक्षी, 3 अरे, चल उचल काव्यसंग्रह: 1 खडूचे अभंग, 2 क्रांतिज्वाला ललित लेख: (आगामी) 1 रौद्रलेणी, 2 पडघम, 3 शब्दांच्या पलीकडे कथासंग्रह:(आगामी ) 1 ड्रॉवर, 2 चंद्रखुणा बाल वाङ्मय: 1 अपूर्वा, 2 गोष्टीरूप चाणक्य, 3 सरदार वल्लभभाई पटेल(आगामी ) संपादन : 1 मुद्रा (प्रातिनिधिक कथासंग्रह) 2 व्हिजिट बॅग, 3 पॅनोरमा पारितोषिके: 1 डेथ ऑफ कॉमन सेन्स या नभोनाट्याला अखिल भारतीय आकाशवाणीच्या नभोनाट्य लेखन स्पर्धेत संपूर्ण भारतातून प्रथम क्रमांक, नभोनाट्याचे 14 भारतीय भाषांमध्ये भाषांतर, 2 दिल्ली येथील स्पर्धेत 'सं. घन अमृताचा ' या नाटकाला लेखनाचे प्रथम पारितोषिक 3 सं. ऎश्वर्यावती आणि सं.ऋणानुबंध या नाटकांना अनुक्रमे द्वितीय आणि विशेष पारितोषिक उल्लेखनीय : * पावस येथील स्वामी स्वरूपानंद तीर्थराज विधी आणि स्वामी स्वरूपानंद जन्मसोहळा या सीडींसाठी पटकथा लेखन * सं. घन अमृताचा, सं. शांतिब्रह्म, सं. ऎश्वर्यवती या तीन संगीत नाटकांचे आकाशवाणीच्या महाराष्ट्रातील सर्व केंद्रावरून प्रसारण * क्रांतिसूर्य सावरकर आणि कातळ या मालिकांचे आकाशवाणीवरून प्रत्येकी 13 भागांचे लेखन आणि प्रसारण *आकाशवाणी वरून 20 श्रुतिका प्रसारित * समांतर कादंबरी, नॅशनल असोसिएशन फॉर ब्लाइंड या संस्थेमार्फत अंध बांधवांसाठी कॅसेट च्या माध्यमातून प्रकाशित * अंध बांधवांसाठी , स्वामी स्वरूपानंद यांचे ब्रेल लिपीतील चरित्र लेखन पुरस्कार 1 'शापित ' कादंबरीला कोकण मराठी साहित्य परिषदेचा पुरस्कार 2 'शल्य ' कादंबरीला कुसुमताई अभ्यंकर पुरस्कार 3 'शल्य ' कादंबरीला कै. र.वा.दिघे पुरस्कार 4 'कातळ ' कादंबरीला कै. र.वा.दिघे पुरस्कार 5 अखिल भारतीय मराठी नाट्य परिषद मुंबई यांचा 1998 साठी , स्वरराज छोटा गंधर्व पुरस्कार 6 सं. घन अमृताचा हे नाटक , राज्य नाट्यस्पर्धेत सर्वप्रथम 7 सन 2000 मध्ये सर्वोत्कृष्ट संगीत नाटककार आणि सर्वोत्कृष्ट गीतकार म्हणून नाट्यपरिषदेचा गुणगौरव पुरस्कार 8 सन 2002 मध्ये सं. शांतिब्रह्म हे नाटक राज्य नाट्यस्पर्धेत सर्वप्रथम 9 मुंबई येथील साहित्य संघ मंदिराचा , कै. अ. ना.भालेराव पुरस्कार 10 संगीत नाट्यलेखानासाठी , कै. पु.भ.भावे पुरस्कार 11 समांतर कादंबरीला रोटरी पुणे यांचा सर्वोत्कृष्ट कादंबरी म्हणून पुरस्कार 12 सन 2006 मध्ये राधा मानस , राज्य नाट्य स्पर्धेत राज्यात द्वितीय तर दिल्लीत प्रथम 13 त्रिदल या संगीत नाटकाच्या पुस्तकासाठी 2007-08 चा महाराष्ट्र शासनाचा कुसुमाग्रज पुरस्कार 14 आदर्श शिक्षक पुरस्कार 15 पुणे येथील बाल गंधर्व संगीत मंडळाचा कै. अण्णासाहेब किर्लोस्कर पुरस्कार 16 वुमेन्स फाउंडेशन कोल्हापूर या संस्थेचा साहित्य भूषण पुरस्कार.... हा माझा अल्प असा परिचय ...!!!

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…