नवीन लेखन...

समर्पितांच्या सहवासात….

मनस्वी वृत्तीची माणसे स्वप्नांचे पाठलाग सहसा सोडत नाही. ठरविलेल्या प्रघातांची, परिघांची चाकोरी सोडत नाही आणि बघता-बघता एका उंचीवर पोहोचतात. आपल्यालाही त्यांच्यात सामील करून घेतात. अशांच्या समूहात मग स्वतःलाच उत्साही वाटायला सुरुवात होते, त्यांच्या आदरातिथ्याने भारावयाला होते आणि त्यांच्या सहवासानंतर अतृप्ती घेऊन परतावे लागते.

अकोल्याच्या बाल -शिवाजी शिक्षण संस्थेत नुकतेच दोन पूर्ण लांबीचे दिवस घालविले. कारण होते-शिक्षक प्रशिक्षण ! पण यानिमित्ताने विद्यार्थी, संस्थाचालक, पालक या साऱ्या स्तंभांशी तोंडओळख झाली. सगळ्यांमध्ये काही गोष्टी सामाईक – संस्थेबद्दल प्रेम/आपुलकी आणि शिस्तबद्धता ! अगदी पालक-संवाद दुपारी चारला असताना (तेही रविवारी) चारच्या आधी ५० निमंत्रित पालकांपैकी ९५ टक्के उपस्थित होते.

सर्व भेटीचा केंद्रबिंदू होता- विद्यार्थी ! त्याच्यासाठी धडपडणारे सारे दोन दिवस भेटले. आजकालच्या वातावरणात असे दृश्य बऱ्यापैकी दुर्मिळ !

प्रशिक्षणार्थी नवं शिकायला उत्सुक, सहभाग नोंदवायला अधीर – स्वतःचेच असंख्य प्रश्न घेऊन आलेले आणि सांगितलेलं टिपायला तयार ! मला स्वतःलाच रिचार्ज झाल्यासारखे वाटले.

आज सकाळी हे वर्तुळ पूर्ण झाले. एका पालकांचा फोन आला- ” १० वीतील मुलीच्या भावी वाटचालीबद्दल मार्गदर्शन विचारणारा”. मस्त वाटलं. रुजायला सुरुवात झालीय.

मातीला आणि बीजांना अंकुरण्याच्या शुभेच्छा !

– डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..