महाकाली … जगदंबा …. ‘रेणुका’

Image © Prakash Pitkar

माहूरगडावर गेली कितीतरी वर्ष जायचं मनात होतं …. नांदेड परभणी जवळ कुठेतरी आहे अशी धूसर माहिती होती … आमची कुलस्वामिनी अंबेजोगाईची ‘योगेश्वरी’ … तिथे गेली तर कधीतरी माहूरगडावर देखील जाऊ … असा देखील विचार अनेकदा मनात येई .. पण जाणं कधी झालं नाही …. हैदराबादला ट्रान्स्फर झाली ….. आम्ही नियमितपणे तेलंगणा आणि आंध्र प्रदेशातली ठिकाणं फिरायला लागलो … तेव्हा मात्र एक शनिवार रविवार आम्ही दोघं नांदेडला पोचलो .. दोन दिवसांकरता एका टुरिस्ट टॅक्सीची व्यवस्था केली … मात्र शनिवारी सकाळी ट्रेन नांदेडला उशिरा पोचल्यामुळे मनात बराच संभ्रम निर्माण झाला …. माहुरगड नांदेडहून साधारण एकशे पंचवीस-तीस किमीवर … त्यात मधल्या काही टप्प्यात रस्त्याची जोरात कामं चालली असल्याने एका दिवसात जाऊन येत येईल का … दुसरा विचार आला की त्या पेक्षा जवळच्या ‘कंधार’ किल्ल्याची ट्रिप करावी … मात्र नांदेडचे मित्रवर्य… प्राध्यापक वेंकटजी सोळंके हे सकाळी भेटायला आले होते .. त्यांनी आणि टुरिस्ट टॅक्सीचे ड्रायव्हर या दोघांनीही सांगितलं की … सर … आरामात जाऊन याल … आणि आम्ही निघालो … (तसं तेलंगणातलं ‘आदिलाबाद’ … महाराष्ट्रातलं किनवट .. यवतमाळ … पांढराकवडा इथून देखील माहूरगड जवळ आहे … )

देवीचं अतिशय शांत आणि सात्विक दर्शन झालं … देवस्थानचे ट्रस्टी भेटले … त्यांनी कल्पना करता येणार नाही इतकी सुंदर व्यवस्था केली … निवांत आणि सुंदर दर्शन घडवलं … मनोभावे फोटो काढता आला …प्रसादाचा त्रयोशगुणी विडा दिला …. (चुना, कात, सुपारी, वेलची, लवंग, बडीशोप, खोबरे, जायपत्री, कपूर, कंकोळ, केशर आणि खसखस .. असे तेरा पदार्थ घालून हा विडा करतात) … ट्रस्टींनी देवस्थानच्या वतीनं आमच्या दोघांना देवीचा प्रसाद तर दिलाच पण खास भेट देखील दिली … खूप सन्मान केला ..

महाकोपी जमदग्नी ऋषींची पत्नी आणि महातेजस्वी भगवान परशुराम यांची आई असलेल्या ‘रेणुका’ मातेचं दर्शन तर कधीच विसरता येणार नाही असं झालं …. देवीच्या प्रांगणातून सभोवतालचा माहूरगड … हिरव्यागार डोंगररांगा … समृद्ध निसर्ग बघता आला …. देवीचं दर्शन इतकं सुंदर आणि आश्वासक की सतत तिच्या दर्शनाला जावं अशी सारखी ओढ लागली … आज देखील हे लिहिताना देवी अगदी समोर दिसत्येय …. प्रसन्न आणि आश्वासक रूपात …

— प्रकाश पिटकर

प्रकाश पिटकर
About प्रकाश पिटकर 36 Articles
मी आय.डी.बी.आय. बँकेत गेली ३४ वर्ष नोकरी करतोय. सध्या AGM म्हणून हैदराबाद इथे पोस्टेड आहे. मला ट्रेकिंग, फोटोग्राफी, प्रवास, दूरवरचे स्वतः वाहन चालवत प्रवास, वाचन अशा आवडी आहेत. मी गेली सतरा वर्ष महाराष्ट्र टाइम्सचा फ्री लान्स कॉलमनिस्ट आहे. माझे आता पर्यंत सहज दोन हजाराच्यावर लेख प्रसिद्ध झाले आहेत. मी मुख्यतः ठाण्याचा रहिवासी आहे. प्रवास वर्णन, व्यक्ती-संस्था चित्र, ऐतिहासिक वास्तू, निसर्गातले अनेक विषय.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…