या कारणांमुळे महिलांमध्ये वाढतो मधुमेहाचा धोका!

तुम्हाला कदाचित हे ऐकून नवल वाटेल की आजच्या धकाधकीच्या काळात पुरूषांच्या तुलनेत महिलांना मधुमेहाचा धोका अधिक प्रमाणात आहे. हल्लीची जीवनशैली, तणाव आणि लठ्ठपणा यांसारख्या कारणांमुळे हल्लीच्या जवळ जवळ सर्वच वयोगटातल्या महिलांमध्ये मधुमेहाची लक्षणं जास्त आढळून येत आहेत. याच कारणांबाबत अनेक तज्ञांनी आपल्या अहवालात असे नमूद केले आहे की, अनेक महिला आपल्या प्रकृतीपेक्षा आपल्या कुटुंबाच्या प्रकृतीकडे जास्त लक्ष देताना आढळून येत आहेत. अशामुळे  घरातील सर्वांच्या प्रत्येक गरजा पूर्ण करता करता आपल्या स्वतःच्या प्रकृतीकडे मात्र लक्ष द्यायला हल्लीच्या महिलांना वेळ मिळत नाही आहे. याव्यतिरिक्त असेही आढळून आले आहे की अनेक महिला आपल्या वैद्यकीय चाचण्या करत नाहीत. त्यामुळे अनेकदा काही आजारांची लक्षणं लक्षात देखील येत नाहीत.
सध्याच्या बदललेल्या जीवनशैलीमुळे, तसेच सतत कामाचा असलेला ताण यांमुळे अनेक लोक आजच्या काळामध्ये डिप्रेशनमध्ये जगत आहेत. या आजाराचे परिणाम पुरूषांच्या तुलनेत मधुमेहाने पीडित असलेल्या महिलांवर जास्त प्रमाणात होताना तज्ञांना आढळून आलेले आहेत. त्यांनीं केलेल्या अनेक रिसर्चमधून असं सिद्ध झालं आहे की, डिप्रेशनमुळे अनेक महिलांमध्ये पुरुषांच्या तुलनेत मधुमेहाचा धोका अधिक वाढल्याचे दिसून आले आहे.
खासकरून प्रेग्नन्सीच्या वेळेस काही महिलांच्या रक्तातील साखरेचे प्रमाण जास्त प्रमाणात वाढते. अशा महिलांना भविष्यात मधुमेह होण्याचा धोका अधिक पटीने वाढतो. आतापर्यंत तज्ञांच्या झालेल्या अनेक प्रकारच्या रिसर्चमधून हे सिद्ध झालं आहे की, मधुमेहाने पीडित असलेल्या पुरूषांच्या तुलनेत महिलांना हृदयाशी निगडीत आजार होण्याचा धोका अधिक असतो. सध्याच्या धावपळीच्या काळामध्ये अनेक महिलांना पीसीओडीच्या त्रासाचा सामना करावा लागतो. एका अभ्यासातून असंही समोर आलं आहे की, पीसीओडीचा त्रास असणाऱ्या महिलांमध्ये मधुमेहाचा धोका अधिक प्रमाणात वाढण्याची शक्यता अधिक प्रमाणात असते.
— संकेत रमेश प्रसादे 

संकेत रमेश प्रसादे
About संकेत रमेश प्रसादे 38 Articles
संकेत प्रसादे हे एक प्रसिद्ध लेखक, ब्लॉगर, प्रशिक्षक, समुपदेशक आणि युटूबर आहेत. त्यांची आतापर्यंत २ पुस्तके प्रकाशित झाली आहेत. तसेच ते नवराष्ट्र ह्या दैनिकामध्ये मानसिक आणि शारीरिक आरोग्यासंबंधी लिखाण करतात. मानसिक आणि शारीरिक स्वास्थ्याबद्दल ते आपल्या लिखाणांमधून तसेच कार्यक्रमांमधून लोकांमध्ये जनजागृती निर्माण करतात.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

पर्वतीच्या टेकडीवरची लेणी

पर्वताई देवीच्या नावावरुन टेकडीस पर्वती हे नाव पडले, पुण्याच्या अनेक ...

रत्नागिरी जिल्ह्यातील नारळ संशोधन केंद्र

रत्नागिरी तालुक्यात भाट्ये येथे नारळ संशोधन केंद्र आहे. हे केंद्र ...

सातारा जिल्ह्यातील पवनऊर्जा प्रकल्प

महाराष्ट्र राज्यातील सातारा जिल्हा पवनऊर्जा जिल्हा म्हणून प्रसिध्द आहे तो ...

सातवाहनकालीन कर्‍हाड

महाराष्ट्रातील सातारा जिल्ह्यातील कर्‍हाड हे प्राचीन शहर सातवाहनकालीन आहे. सातवाहनकालीन ...

Loading…