नवीन लेखन...

कळलेच नाही

“तक्रार करता करता प्रेम कधी झाले .. कळलेच नाही …
बेसूर वाटता वाटता , सूर कधी जुळले .. कळलेच नाही …

हळुवार नाजूक स्पर्शाची , मिठी कधी झाली .. कळलेच नाही …
एकमेकांच्या प्रीतीच्या डोहात , आकंठ कधी बुडाले .. कळलेच नाही …

नाकावरच्या रागाला, औषध कधी गवसले .. कळलेच नाही …
समुद्राच्या वाळूतले पावलांचे ठसे , सप्तपदी कधी झाल्या .. कळलेच नाही …

लपवाछपवीत रचलेले अनधिकृत इमले , अधिकृत कधी झाले .. कळलेच नाही …
तुझा माझा दोघांचा संसार , कधी सुरू झाला .. कळलेच नाही …

महिने लोटले ,वर्ष सरलं, अन अचानक दिवस कधी गेले .. कळलेच नाही …
बघता बघता ,दोन फुल आणि दोन हाफ झालो.. कळलेच नाही …

शाळेच्या आठवणीत रमता रमता, पालकसभा कधी आली .. कळलेच नाही …
आपल्या ध्येयाचा आढावा घेता घेता , मुलांची ध्येय्य दिसु लागली .. कळलेच नाही …

तो परदेशात अन ती संसारात, कधी गुरफटले .. कळलेच नाही …
सगळा प्रवास करून, गाडी पुन्हा त्याच स्टेशनात कधी आली .. कळलेच नाही …

एकमेकांच्या गप्पात आता “”गुडघेही”” बोलू लागले .. कळलेच नाही …
मिठीतुन बाहेर पडत, मठात कधी रमू लागले .. कळलेच नाही … ..

छान आवरून झाल्यावर धरलेला हात, आता “”सावरून”” घेणारा आधार कधी झाला …. कळलेच नाही …
आयुष्यात आलेले आपले-परके, साथ सोडून कधी गेले .. कळलेच नाही …

पण तू आणि मीच शेवटपर्यंत , एकसंध , हे मात्र इतरांना ….. कधी कळलेच नाही….
तक्रार करता करता प्रेम कधी झाले .. कळलेच नाही …

©️ क्षितिज दाते.

ठाणे.

Avatar
About क्षितिज दाते , ठाणे 77 Articles
केवळ एक हौस म्हणून लिखाण सुरू केलं . वेगवेगळ्या विषयांवर पण साध्या सोप्या भाषेत लेखन . आकाशवाणीवरील कार्यक्रमात काही लेखांचं प्रसारण झालं आहे .काही लेख/कथा पॉडकास्ट स्वरूपात देखील प्रसारित झाल्या आहेत . Snovel या वेबसाईट / App वर "सहज सुचलं म्हणून" या शीर्षकाखाली तुम्ही ते पॉडकास्ट ऐकू शकता.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..