नवीन लेखन...

स्पॅम फोन कॉलमध्ये भारताचा जगात दुसरा नंबर

आपल्याला मोबाईलवर किंवा घरच्या दूरध्वनीवरसुद्धा येणाऱ्या फोन कॉल्स पैकी बरेच फोन कॉल्स हे अनावश्यक असतात. अशा प्रकारच्या अनावश्यक कॉल्सना स्पॅम कॉल्स असे म्हणतात. या स्पॅम कॉल्सबद्दलची अतिशय महत्त्वाची  आता एका अहवालाद्वारे बाहेर आली आहे.

स्पॅम फोन कॉल अर्थात अनावश्यकपणे येणार्‍या फोन कॉलची  संख्या भारतात एवढी मोठी आहे की भारताचा जगात चक्क दुसरा नंबर लागतो. ही माहिती दिली आहे आपल्याला येणाऱ्या फोनचा नंबर तात्काळ मोबाइल स्क्रीन वर दाखवणाऱ्या ट्रुकॉलर (Truecaller) या ॲपच्या निर्मात्यांनी.

यासंदर्भात नुकत्याच जाहीर झालेल्या एका रिपोर्टप्रमाणे  २०१८ साली स्पॅमिंग मध्ये ब्राझीलने भारताच्या पुढे जाऊन पहिला नंबर पटकावला.

भारतात होणाऱ्या एकूण फोन कॉल्सपैकी सहा टक्के कॉल्स हे स्पॅम असतात. मात्र असे असले तरी सर्वसाधारणपणे भारतात होणाऱ्या स्पॅम कॉल्सचे प्रमाण हे महिन्याला एका दूरध्वनीधारकामागे २२ एवढं कमी झालेलं आहे असं या अहवालात म्हटलंय.

सदर अहवालाप्रमाणे ब्राझीलमध्ये प्रत्येक ट्रूकॉलर युजरमागे दर महिन्याला ३७ स्पॅम कॉल झाल्याचे दिसून येते. म्हणजेच येथे स्पॅमकॉल मध्ये वर्षभरामध्ये ८१ टक्‍क्‍याची वाढ झालेली आहे.

ब्राझील आणि भारतानंतर चिली, दक्षिण आफ्रिका आणि मेक्सिको या तीन देशांचे याबाबत क्रमांक लागतात.

ट्रु कॉलरच्या या अहवालामध्ये म्हटल्याप्रमाणे भारतात असे स्पॅम करणाऱ्यांमध्ये सर्वात मोठे प्रमाण हे टेलिकॉम् ऑपरेटर्स आणि टेलिकॉम् सर्विस प्रोव्हायडर्सचे आहे. त्यांनी तब्बल ९१ टक्के कॉल्स हे त्यांच्या विविध प्रकारच्या ऑफर्स देण्यासाठी आणि बॅलन्सच्या रिमाईंडर्ससाठी केलेले दिसतात.

त्यानंतर नंबर लागतो तो स्कॅम कॉलर्स आणि टेलीमार्केटर्स यांचा. त्यांनी अनुक्रमे सात टक्के आणि दोन टक्के स्पॅम  कॉल्स केलेले दिसतात.

ट्रूकॉलर च्या म्हणण्याप्रमाणे २०१८ मध्ये त्यांनी जगभरातून 17.7 बिलियन कॉल ब्लॉक केले. म्हणजेच, केला जाणारा प्रत्येक चौथा कॉल हा स्पॅम कॉल होता असे त्यांचे म्हणणे आहे.

— निनाद अरविंद प्रधान 

निनाद प्रधान
About निनाद प्रधान 96 Articles
मराठीसृष्टीचे व्यवस्थापकीय संपादक. मराठी आणि इतर भारतीय भाषांमधील इंटरनेट तंत्रज्ञान तसेच इतर अनेक सॉफ्टवेअरची निर्मिती. १९९६ साली मराठी भाषेतील पहिल्या वेबसाईटच्या निर्मितीमध्ये सहभाग. त्यानंतर अनेक मराठी आणि आणि भारतीय भाषिक वेबसाईटस बनविण्यात सहभाग. वृत्तपत्र आणि मिडियासाठी विविध सॉफ्टवेअरची निर्मिती. लोकसत्ता फॉन्टफ्रीडम आणि फॉन्टसुविधा या देवनागरीसाठीच्या अत्यंत उपयुक्त सॉफ्टवेअरची निर्मिती. अनेक वेबसाईटच्या निर्मितीत सहभाग. याच विषयावर विपुल लेखन. मराठी वृत्तपत्रांच्या इंटरनेट आवृत्तींचे सल्लागार.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..