डोहात वेदनेच्या आनंद शोधतो मी

गझल – वृत्त :- आनंदकंद

लगावली :-गागालगा लगागा गागालगा लगागा

डोहात वेदनेच्या ,आनंद शोधतो मी
दु:खातही हसावे,हृदयास सांगतो मी

वेडा म्हणेल कोणी,याची मला न चिंता
गातो नवे तराणे ,तंद्रीत राहतो मी

गेले उडून पक्षी शोधात भाकरीच्या
ओसाड गाव झाले, माणूस मागतो मी

जातीत वाटलेली झाली हवा विषारी
जाती बघून आता संबंध ठेवतो मी

पंथात कोणत्याही भक्ती मला दिसेना
ही जात माणसाची ढोंगीच मानतो मी

गेले निघून माझ्या शब्दातले निखारे
हल्ली नव्या पिढीच्या शब्दास झेलतो मी

© जयवंत वानखडे,कोरपना

Avatar
About Jaywant Bhaurao Wankhade 13 Articles
मी स्वेच्छा सेवानिवृत्त मुख्याध्यापक असून कविता लेखन करतो

महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…