भाकरी

भाकरीच्या पाठीवर     ठसे दिसती हातांचे
जातां तव्यावर भाजूनी    निशाण राहते कष्टांचे

एका भाकरीच्या पाठीं     हात कितीक गुंतले
कण कण देती ग्वाही      मन भरुनी कसे आले

उन्हां पावसात फिरे      शेतामधीं शेतकरी
टप् टप् घाम गाळी      उभी करितो जवारी

पोती पोती उचलूनी      वाहून नेई मजूर
दमछाक होऊनी ही      मिळत नाहीं पोटभर

ओवी म्हणत मुखानें       आई थापिते भाकरी
साऱ्यांच्या कष्टामध्यें    तिच्या मायेची भागीदारी

धरणीच्या पोटातून      जीवन रस येई वर
दुजासाठी जगा तुम्ही     बघा सांगते भाकर

डॉ. भगवान नागापूरकर
संपर्क – ९००४०७९८५०
bknagapurkar@gmail.com