उदे ग अंबे उदे

तूच आदिशक्ती तूच आदिमाया ,

सदैव ठाकतेस उभी, अमंगल नष्टाया.

आगमने तुझ्या सारे, मंगल होऊदे,

उदे ग अंबे उदे , उदे ग अंबे उदे ,

नवरात्रीचा जागर, होई तुझा आई,

अस्तित्वे तुझिया, कळीकाळ पळून जाई.

संकट महामारीचे, समूळ अता जाऊदे,

उदे ग अंबे उदे , उदे ग अंबे उदे ,

वात्सल्य आईचे, नेत्री तुझ्या दिसतसे,

वास्तव्ये तुझ्या दुष्कृत, भयकंपित होतंसे.

अष्टभुजा तू , सदैव वास मनी राहूदे ,

उदे ग अंबे उदे , उदे ग अंबे उदे ,

मनोभावे करतो आज, तुझी घटस्थापना,

आई तुझ्या पायाशी, एक मनोकामना.

निंद्य सारे विरून जावो, वंद्य तेची येऊदे,

उदे ग अंबे उदे , उदे ग अंबे उदे ,

प्रासादिक म्हणे.

— प्रसाद कुळकर्णी.